СИА хаартыската
Бүгүн, муус устар 27 күнүгэр, «Арассыыйа — мин устуоруйам» түмэлгэ «Байыаннай дьайыы дьоруойдара» диэн мультимедийнэй быыстапка аһылынна.
Ил Дархан Айсен Николаев быыстапкаҕа модун Арассыыйа, өрөспүүбүлүкэбит устуоруйата түмүллүбүтүн, ону сэргэ байыаннай дьайыыга буойуттарбыт хорсун быһыыларын норуот, дьон-сэргэ билиэхтээҕин, үүнэр көлүөнэ маны билэ улаатыахтааҕын этэн туран: «Сахабыт сирин киэн туттар дьоно — дьоруойдарбыт тустарынан быыстапка Өрөспүүбүлүкэ күнүгэр сөп түбэспитэ ураты буолар. Байыастарбыт этэҥҥэ кыайыы көтөллөөх эргиллэн кэллиннэр!» — диэтэ Ил Дархан.
«Арассыыйа — мин устуоруйам» түмэл экскурсовода Айсен Габышев:
— Мультимедийнай быыстапка экспозицията байыаннай дьайыы кыттыылаахтарыгар ананар. Дойду үрдүнэн устуоруйаҕа сыһыаннаах пааркаларга, ол иһигэр Санкт-Петербург куораттан Владивостокка тиийэ маннык быыстапка туруоҕа. Байыаннай дьайыы дьоруойдара диэн бырайыагы «Синергия» университет уонна Арассыыйатааҕы «Знание» уопсастыба кыттыгас толкуйдаабыттара. Бу сүүрбэ графическай новеллаттан турар, уруһуйдарга байыаннай дьайыы дьиҥнээх дьоруойдарын устуоруйалара кэпсэнэр. Маннык бырайыактар оскуола оҕолорун болҕомтолорун тардар. Онон оҕолор холобур оҥосто, киэн тутта улааталларыгар көмөлөөх. Быыстапка ыам ыйын устата туруоҕа. Кэлиҥ, көрүҥ, сылдьыҥ.
Бэлиэтээн суруйдахха, «Байыаннай дьайыы дьоруойдара» мультимедийнай быыстапка олунньу ыйга аан бастаан Москва куоракка «Арассыыйа — мин устуоруйам» паарка былаһааккатыгар турбута. Арассыыйа араас куораттарыгар, Волгоградка, Екатеринбурга, Краснодарга, Махачкалаҕа, Омскайга, Саратовка о.д.а куораттарга турбута.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…