Хаартыска: Дмитрий Соловьев тиксэриитэ.
Дьокуускай куоракка «Арассыыйа — мин устуоруйам» түмэл комплексын дириэктэрэ Дмитрий Иванович Соловьев түмэлгэ «Байыаннай дьайыы дьоруойдара» диэн мультимедийнэй быыстапка муус устар 27 күнүттэн ыам ыйын 28 күнүгэр диэри үлэлиэҕэ диэн кэпсээтэ. Түмэл анал экспозициятыгар 20 графическай новеллаҕа байыаннай эпэрээссийэ дьоруойдарын устуоруйалара кэпсэнэр.
— Бу быыстапка аһыллыытыгар Ил Дархан А.С. Николаев быыстапкаттан байыаннай дьайыыга кыттыбыт уонна кытта сылдьар Арассыыйа, өрөспүүбүлүкэ буойуттарын хорсун быһыыларын дьон-норуот киэҥник билиэхтээҕин, ыччаттарбыт билэ-көрө улаатыахтаахтарын тоһоҕолоон бэлиэтээбитэ.
«Синергия» университет уонна Арассыыйатааҕы «Билии» уопсастыба «Байыаннай дьайыы дьоруойдара» диэн бу бырайыагы бииргэ үлэлээн таһаардылар. Экспозиция 20 графическай новеллаттан турар. Уруһуйдарга байыаннай дьайыы дьиҥнээх дьоруойдарын устуоруйалара кэпсэнэр. Быыстапка ордук оскуола оҕолоругар улахан интэриэһи тардар. Быыстапка оҕолор Аҕа дойдуга бэриниилээх буолуу диэн тугун, байыаннай эпэрээссийэ суолтатын билиилэригэр, буойуттарбыт дьоруойдуу холобурдарынан киэн тутта улааталларыгар улахан көмөлөөх.
«Байыаннай дьайыы дьоруойдара» мультимедийнай быыстапка олунньу ыйга аан бастаан Москва куоракка «Арассыыйа — мин устуоруйам» паарка былаһааккатыгар турбута. Онтон салгыы Волгоградка, Екатеринбурга, Краснодарга, Махачкалаҕа, Омскайга, Саратовка о.д.а куораттарга турбута. Салгыы байыаннай эпэрээссийэ кыттыылаахтарыгар ананар мультимедийнай быыстапка экспозицията дойду үрдүнэн устуоруйаҕа сыһыаннаах пааркаларга, ол иһигэр Санкт-Петербург куораттан Владивостокка тиийэ туруоҕа. Олохтоохтор уонна киин куорат ыалдьыттара бу быыстапканы ыам ыйа бүтүөр диэри кэлэн көрүөхтэрин сөп. Онон «Байыаннай дьайыы дьоруойдара» быыстапкаҕа ыҥырабыт!
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…