Байыаннай дьайыы дьоруойдара Мэҥэ Хаҥалас үөрэнээччилэрин кытта көрүстүлэр

Арассыыйа Дьоруойа Родимир Максимов уонна «Хорсунун иһин» уордьан кавалера Ион Дмитриев Мэҥэ Хаҥалас улууһун Хара сэлиэнньэтин успуорт оскуолатын уонна Майа орто оскуолатын үөрэнээччилэрин кытта көрүстүлэр.

Хорсун буойуттар оҕолордуун Ийэ дойдуга сулууспа туһунан уонна патриотизм тиэмэтигэр сэһэргэстилэр. Родимир Максимов уонна Ион Дмитриев үөрэнээччилэргэ бойобуой дьайыылар барар сирдэригэр сулууспа туһунан кэпсээтилэр, толорбут соруктарын туһунан ахтыыларынан үллэһиннилэр. Мэҥэ Хаҥаласка сылдьар кэмнэригэр, Арассыыйа Дьоруойа Родимир Максимов уонна «Хорсунун иһин» уордьан кавалера Ион Дмитриев Сэбиэскэй Сойуус Дьоруойун Федор Попов уонна Аҕа дойду Улуу сэриитин кыттыылаахтарын пааматынньыктарыгар тыыннаах сибэкки дьөрбөтүн уурдулар.