Байыаннай  дьайыы кыттыылааҕа Айаал Тимофеев салайааччынан ананна

Ас-үөл технологиятын өрөспүүбүлүкэтээҕи киинин кэлэктиибигэр саҥа салайааччыны, байыаннай дьайыы кыттыылааҕа Айаал Тимофеевы билиһиннэрдилэр.

СӨ тыа хаһаайыстыбатын уонна ас-үөл бэлиитикэтин миниистирэ Артем Александров бэлиэтээн эппитинэн, Айаал Иванович агропромышленность комплексыгар 20 сыл ыстаастаах,  үрдүк таһымнаах исписэлиис эрэ буолбакка, кытаанах санаалаах патриот.

«Дойдуга уустук  кэмҥэ кини толкуйдуу барбакка,  Оборона министиэристибэтин кытары  хантараак баттаспыта уонна байыаннай эпэрээссийэҕэ кыттан, Арассыыйа национальнай интэриэһин көмүскэлигэр бэйэтин кылаатын киллэрсибитэ. Айаал Иванович  — идэни баһылааһыны, гражданин быһыытынан эппиэтинэһи уонна төрөөбүт дойдуга истиҥ тапталы тэҥҥэ дьүөрэлээһин холобура. Тэрилтэ кини салалтатынан  саҥа таһымҥа тахсыаҕар уонна нэһилиэнньэни олохтоох оҥорон таһаарыы хаачыстыбалаах бородууксуйатынан хааччыйарга бэйэтин оруолун күүһүрдэригэр эрэллээхпин”, — диэтэ миниистир.

Айаал Тимофеев салалтаҕа итэҕэллэрин иһин махтанна уонна күүстээх үлэҕэ бэлэмин биллэрдэ.

«Өрөспүүбүлүкэҕэ дьоһун суолталаах бу Киини салайыы миэхэ улахан чиэс. Бэйэм сорукпунан  ылыллыбыт түмүгү илдьэ сылдьыы эрэ буолбакка, тэрилтэни сайыннарыы буоларын билэбин. Ураты болҕомтону бородууксуйа хаачыстыбатын тупсарарга уонна олохтоох бородууксуйаны оҥорооччулары кытары үлэни күүһүрдэргэ ууруохпут”, — диэтэ Киин салайааччыта.

Айаал Тимофеев урут СӨ Тыа хаһаайыстыбатын министиэристибэтин сүөһүнү иитэр, племенной дьыала, кооперация уонна хаһаайыннааһын  дьоҕус көрүҥнэрин салааларын сайыннарыы департаменын салайааччытынан үлэлээбитэ. Кини байыаннай дьайыыга баҕа өттүнэн барбыт Уһук Илин 27 судаарыстыбаннай сулууспалааҕын ахсааныгар киирсэр. Кини Курскай уонна Донецкай хайысхаларга БПЛА чуҥнааһын соруктарын толорбута. РФ Оборонаҕа министиэристибэтин  “Байыаннай эпэрээссийэ кыттыылааҕа”, “Курскай уобалаһы көмүскээччи” мэтээллэринэн,  «Доброволец Донбасса» түөскэ анньыллар бэлиэнэн, РФ бырабыыталыстыбатын бэрэссэдээтэлин солбуйааччы – Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев Махтал суругунан наҕараадаламмыта.

СӨ Ил Дарханын уонна бырабыыталыстыбатын пресс-сулууспата