Байыаннай дьайыы кыттыылааҕа Артём Стреляннай Пеледуй бөһүөлэгин ыччатын патриотическай иитиигэ кыттар

Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84 сылыгар анаммыт байыаннай-спортивнай күрэхтэһии дьүүллүүр сүбэтин састаабыгар киллэрдилэр.

Тэрийээччилэр этэллэринэн, байыаннай дьайыы бэтэрээнэ Артём Стреляннай  кыттыыта, үөрэнээччилэргэ кыайыыга дьулууру эрэ үөскэппэккэ, устуоруйаҕа уонна дьиҥнээх хорсун быһыыга убаастабыл уруогунан буолла. Ону таһынан, байыаннай дьайыы бэтэрээнэ бөһүөлэк култууратын киинигэр ыытыллыбыт «Тебе, моя родная! И тебе, моя Россия!» диэн ааттаах аһымал кэнсиэргэ бочуоттаах ыалдьытынан буолла.

Артём Стреляннай байыаннай дьайыы кыттыылаахтарын ааттарыттан биир дойдулаахтарыгар туһаайан тыл эттэ.

«Тэрийээччилэргэ уонна бары артыыстарга махтал. Билиҥҥи кэмҥэ маннык тэрээһиннэр ураты суолталаахтар – кинилэр үбү-харчыны хомуйарга эрэ буолбакка,  эргиллибит бэтэрээннэргэ эйэлээх олоххо үөрэнэллэригэр көмөлөһөллөр. Кинилэр көлүөнэлэри ситимнииллэр, патриотическай тыыны күүһүрдэллэр уонна дьону үтүө санаалаах оҥороллор», – диэн байыаннай дьайыы кыттыылааҕа Артем Стреляннай санаатын кытта үллэһиннэ.