Байыаннай дьайыы кыттыылааҕа авиацияҕа куттал суох буолуутун сулууспатыгар суоппардыыр

«Аҕа дойдуну көмүскээччилэр» пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ Сергей Горохов саҥа идэни ылан суоппардаан эрэр.

—Сергей Горохов оскуоланы бүтэрэн баран РФ Сэбилэниилээх Күүстэрин кэккэтигэр ыҥырыллыбыта. Ол кэнниттэн сүүрбэттэн тахса сыл холуобунай-толорор систиэмэҕэ үлэлээбитэ, майор званиелаах. 2023 с. үлэтинэн биэнсийэҕэ тахсан баран, чуумпу олоҕу талыан сөп этэ. Ол эрээри, кини атын быһаарыныыны ылыммыта. Сергей Егорович РФ Министиэристибэҕэ Оборуонатын кытта хантараакка илии баттаан Уссурийскайга туспа 83-с туспа гвардейскай десантнай-штурмовой биригээдэҕэ сулууспалыы барбыта. Салгыы байыаннай дьайыы буола турар сиригэр доброволеһынан барбыта, — диэн пуонда филиалыгар кэпсииллэр.

Сергей Горохов байыаннай дьайыыга хорсун быһыыны көрдөрбүтэ, иккитэ бааһырбыта. Хорсун быһыытын иһин судаарыстыбаннай наҕарааданы — Орден Мужества ылбыта. Кини ыараханнык бааһыран баран, доруобуйатын туругунан байыаннай сулууспатын түмүктээбитэ уонна дойдутугар төннөн кэлбитэ. «Аҕа дойдуну көмүскээччилэр» пуонда филиалыгар тиийбитэ, онно кураторынан социальнай координатор Владилена Абрамова анаммыта. Маныаха кэлим сорук турара – бары сөптөөх төлөбүрдэри, чэпчэтиилэри оҥорууга көмөлөһүү эрэ буолбакка, манна кини миэстэтин буларыгар көмөлөһүү. Ол курдук, аадырыстаах көмө чэрчитинэн бойобуой дьайыылар бэтэрээннэрин дастабырыанньатын ылыы боппуруоһа суһаллык быһаарыллыбыта, психологическай өйөбүл оҥоһуллубута уонна санаторнай-курортнай эмтэниигэ өйөбүл оҥоһуллубута.

Бииргэ үлэлээһин биир сүрүн түмүгүнэн дьарыктаах буолуу боппуруоһун быһаарыы буолла. Билигин Сергей Егорович «Аэропорт Якутск» АУо авиационнай куттал суох буолуутун сулууспатыгар суоппардыыр. Маны таһынан, бэтэрээн уопсастыбаннай олоххо көхтөөхтүк кыттар. Оскуола үөрэнээччилэригэр «Урок Мужества» ыытта.

Сиһилии: https://www.sakha.gov.ru/news/22488

СӨ Ил Дарханын уонна Бырабыыталыстыбатын пресс-сулууспата