Хаартыска: sakhagov.ru
Анал байыаннай эпэрээссийэ бэтэрээнэ уонна биэс оҕолоох аҕа Николай Евсюков былырыын бааһыран, демобилизацияламмыта. Киниэхэ быратыас ылан, реабилитацияны ааһарыгар көмөлөспүттэрэ. Бу кэнниттэн Үөһээ Бүлүү сэлиэнньэтин олохтооҕо бэйэ дьыалатын – автосервис арыйарга быһаарыммыта. Киниэхэ бу санаатын олоххо киллэрэргэ саҥа саҕалыыр урбаанньыттарга судаарыстыбаннай өйөбүл бырагыраамата көмөлөспүтэ, ол чэрчитинэн, социальнай хантараак түһэрсибитэ.
“Автосервис арыйаары, гарааһы туттубутум. Бу бырагыраама көмөтүнэн эбии харчы ыллым. Ол харчынан үнүстүрүмүөннэри, тэриллэри атыыласпытым. Доҕотторум дьыалабын тэринэргэ көмөлөспүттэрэ. Манна шиномонтаж баар, сыбааркалыыр үлэни эмиэ оҥоруохпун сөп. Кэҥэтэр былааннаахпын, массыына өрөмүөнүгэр иккис өрө көтөҕөр тэрили атыылаһар баҕа санаалаахпын», — диир бойобуой бэтэрээн Николай Евсюков.
Санатан эттэххэ, Айсен Николаев Судаарыстыбаннай Мунньахха (Ил Түмэн) Ыҥырыытыгар анал байыаннай дьайыы кыттыылаахтара гражданскай олоххо төннөллөрүгэр социальнай адаптацияны ааһалларыгар көмөлөһүүнү биир сүрүн соругунан ааттаабыта.
Өрөспүүбүлүкэ баһылыгын сорудаҕынан, «Время героев» федеральнай бырагыраамаҕа майгыннатан, «Якутия – земля героев» каадыр бырагыраамата саҕаланна.
Сиһилии: https://www.sakha.gov.ru/news/3819
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…