Хаартыска: SakhaGov
Байыаннай дьайыы бэтэрээнэ Александр Заровняев “Бэйэ биисинэһэ” үөрэх бырайыагын чэрчитинэн “Мас эрбиир сыах” биисинэс-былаанын ситиһиилээхтик көмүскээтэ.
Киниэхэ Урбаан, эргиэн уонна туризм министиэристибэтин чэрчитинэн, 100 тыһыынча суумалаах Грант бэриллибитин туһунан “Дойдуну көмүскээччилэр” судаарыстыбаннай пуонда Саха сиринээҕи салаата иһитиннэрдэ.
“Үөрэх олус хаачыстыбалаах, барыта чопчу. Биир санаалаахтарбын кытары билсэр кыаҕы биэрбиттэригэр тэрийээччилэргэ махтанабын. Маннык бырайыактар биһиэхэ, бэтэрээннэргэ, олус туһалаахтар уонна суолталаахтар. Бырагыраамаларга куттаммакка кыттан иһэргитигэр сүбэлиибин”, — диэн Александр Заровняев санаатын үллэһиннэ.
Кини 2024 сыл сайын баҕа өттүнэн “БАРС-2” этэрээккэ киирбитэ уонна байыаннай дьайыыга барбыта. Купянскай хайысхатыгар бойобуой сорудаҕы толорууга хорсун быһыытын көрдөрөн, Луганскай Норуодунай Өрөспүүбүлүкэ «Хорсунун иһин» уонна «Өҥөлөрүн иһин» II истиэпэннээх мэтээллэринэн наҕараадаламмыта.
Александр эйэлээх олоххо төннөн баран, Саха сиригэр “Дойдуну көмүскээччилэр” пуондаҕа кэлбитэ. Социальнай сүрүннээччи Саргылана Константинова бэтэрээҥҥэ биир кэлим көмөнү (ол иһигэр, социальнай өйөбүл дьаһалларын толорууну, диспансеризацияны барыыны уонна санаторийга-курортка эмтэниини) оҥорбута.
СӨ Ил Дарханын уонна бырабыыталыстыбатын пресс-сулууспата
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…