Хаартыска: https://t.me/admvervil
Бу күннэргэ Үөһээ Бүлүү улууһун Балаҕаннаах нэһилиэгиттэн байыаннай дьайыыга сылдьар биир дойдулаахтара кылгас болдьохтоох уоппускаҕа кэлбитин көрүстүлэр.
— Көрсүһүү саҕаланыытыгар улуус биллэр алгысчыта Трофим Миронов уолбутун уонна көрсүһүүгэ кэлбит дьонҥо анаан алгыс тылы этэн алҕаата, арчылаата.
Киниэхэ анаан саалаахтан самныма, охтоохтон охтума диэн үтүө тыллары этэн туран этэҥҥэ эргиллэн кэлэригэр баҕарда. Уолбутугар «Балаҕаннаах нэһилиэгин бочуоттаах олохтооҕо» диэн бэлиэни, дастабырыанньаны, саха быһаҕын, ийэтигэр сибэкки дьөрбөтүн, анал бэлэҕи туттардыбыт. Маны таһынан нэһилиэк дьаһалтата 30 тыһыынча, олохтоохтор 60 тыһыынча солкуобай көмө бэрээдэгинэн туттардылар. Көрсүһүү кэмигэр Балаҕаннаах оскуолатын 2 кылааһын үөрэнээччитэ Айнара Васильева «Сэрии аны буолума» ырыанан, орто сүһүөх кылааһын оҕолоро, олохтоох балыыһа биэлсэрэ Надежда Прокопьева хоһоон ааҕан бэлэхтээтилэр. Култуура киинин дириэктэрэ Михаил Жендринскэй киниэхэ анаан «Төрөөбүт алааһым» диэн ырыаны бэлэх уунан туран, төрөөбүт алааһыгар кыайыы-хотуу көтөллөнөн этэҥҥэ эргиллэн кэлэригэр баҕарда.
Көрсүһүү сылаас алаадьылаах, ити чэйдээх остуолга ирэ-хоро кэпсэтиинэн түмүктэннэ, — диэн нэһилиэк баһылыга Степан Дмитриев иһитиннэрдэ.
СӨ Ил Дархана Айсен Николаев улуустар баһылыктарын кытта оттооһун хампаанньатыгар анаммыт сүбэ мунньаҕар мобильнай биригээдэлэр…
Уус Алдан улууһугар Суотту модельнай бибилэтиэкэтигэр "Сахалыы саҥарар буоллахха" диэн Екатерина Константиновна Местникова олоҕун, айар…
Алтынньыга Арассыыйаҕа Казань куоракка аан дойду үрдүнэн биир улахан тэрээһин — БРИКС саммита — буолаары турар. Былырыын…
Бүгүн хайдах күн-дьыл буоларый? Күнү-дьылы кэтээн көрөөччүлэр тугу иһитиннэрдилэр? Бүгүн, балаҕан ыйын 21 күнүгэр, өрөспүүбүлүкэ…
- Бородуукта 100 грамыгар төһө белок, углевод, сыа, калорий баара суруллар. - Аһылыкка төһөҕө диэри…
Хас да улууска +15 кыраадыска тиийэ сылыйыа. Ханныктарга? Кэлэр нэдиэлэҕэ күнү-дьылы билгэлээччилэр нуорматтан үрдүк температура…