Хаартыска СӨ Баһылыгын уонна Бырабыыталыстыбатын пресс-сулууспатыттан
Анал байыаннай дьайыы кыттыылааҕа Игорь Марсунов оҕунан ытыынан былырыын сааскыттан дьарыктаммыта. Билигин кини ПОДА категорияҕа (тирэнэр-хамсанар аппарааттара эмсэҕэлээбит дьон) өрөспүүбүлүкэ чөмпүйүөнүнэн буолла диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Өрөспүүбүлүкэҕэ успуорт бу көрүҥэ сайдыбыта 60 сылыгар аналлаах чөмпүйэнээккэ 25 улуустан 283 спортсмен кэлэн кытынна.
«Оҕунан ытыы Саха сиригэр биир саамай сайдыбыт успуорт көрүҥүнэн буолар. Успуорт бу көрүҥүн биһиги анал байыаннай дьайыыга кыттыбыт бэтэрээннэрбит эмиэ сөбүлээтилэр, кинилэр идэтийбит таһымҥа тахсан ытыынан дьарыктаналлар уонна үчүгэй түмүктэри ситиһэллэр. Маннык түмүктэри ситиһэрбэр көмөлөспүт дьоҥҥо уонна мин тириэнэрбэр Михаил Валерьевич Алексеевка махталым улахан», — диэн Игорь Владимирович санаатын үллэһиннэ.
Успуорт бу көрүҥүн оҕунан ытыыга РФ успуордун үтүөлээх маастара, Паралимпийскай оонньуулар икки төгүллээх боруонса призердара, аан дойду, Европа уонна Арассыыйа чөмпүйүөнэ Степанида Артахинова маастар-кылааһыгар сылдьан интэриэстэммит. Бу күрэхтэһиини анал байыаннай дьайыы кыттыылаахтарыгар анаан «Аҕа дойдуну көмүскээччилэр» пуондалара тэрийдэ.
Бу кэм устата Игорь Владимирович успуорт бу көрүҥэр элбэх ситиһиилэммитэ. Ааспыт сайын Саха сирин сүүмэрдэммит хамаандатын састаабыгар киирэн, Уһук Илиҥҥи эрэгийиэннээҕи «Аҕа дойдуну көмүскээччи» куубагар боруонса мэтээли ылары ситиспитэ, Бүтүн Арассыыйатааҕы таһым бүтэһик түһүмэҕэр биэс бастыҥ иһигэр киирбитэ.
Саха сиригэр 300‑чэ эҥин араас эмтээх үүнээйи үүнэр. Дойдубут эмтээх үүнээйитин туһалаах эттигэ соҕуруу дойду…
Бүгүн Өймөкөөн улууһугар тырааныспар уонна суол хаһаайыстыбатын миниистирэ Владимир Сивцев салайааччылаах бырабыыталыстыба отчуота саҕаланна. Күн…
Олунньу 6-9 күннэригэр Дьокуускай куоракка волейболга дьахталлар хамаандаларын икки ардыгар чөмпүйэнээт ыытыллыа. Бу туһунан СӨ…
"Муус устар" ыччат бэстибээлин 2024 сыллааҕы "Лучший молодой автор туристического сувенира" хайысха кыттааччыта, Мэҥэ Хаҥалас…
Бу сылга Саха сиригэр култуура аҕыс эбийиэгин үлэҕэ киллэрэри былаанныыллар. Эбийиэктэр улуустарга уонна Дьокуускай куоракка…
Уһук Илин Федеральнай уокурук 11 эрэгийиэнин суруналыыстарыгар аналлаах куонкурус аан бастакытын ыытыллар. Айылҕа харыстабылыгар сыһыаннаах…