Байыаннай дьайыы кыттыылааҕа оскуола дириэктэринэн ананна

Байыаннай дьайыы кыттыылааҕа Сергей Кутуков Дьокуускай куорат 20 нүөмэрдээх орто оскуолатын дириэктэринэн ананна. Бүгүн куорат мээрэ Евгений Григорьев кинини кытары көрсөн кэпсэтии ыытта. 

Билиҥҥитэ Сергей Кутуков Марха иккис нүөмэрдээх орто оскуолатыгар иитэр үлэҕэ дириэктэри солбуйааччынан үлэлиир. От ыйын бастакы күнүттэн саҥа дуоһунаска үлэтин саҕалыаҕа.

«Сергей Геннадьевич — байыаннай дьайыы кыттыылааҕа. Кини история учуутала үөрэхтээх. Оҕолору педагогическай, уопсастыбаннай уонна иитэр үлэҕэ сайыннарарга профессиональнай идэлээх киһи. Эрдэ үс сыл устата хантараагынан армияҕа сулууспалаабыта, Саха кадетскай оскуолатыгар офицер-воспитателинэн үлэлээбитэ. Ону таһынан,  Арассыыйа Суударыстыбыннай Дууматын наукаҕа уонна үөрэххэ ыччат парламенын экспертнэй сэбиэтин чилиэнэ буолар. Онон улахан опыттаах киһи буолан саҥа дуоһунаска ситиһиилээхтик үлэлиэҕэ диэн эрэнэбин», — диэн мээр Евгений Григорьев бэйэтин телеграм-ханаалыгар суруйда.