Байыаннай дьайыы кыттыылааҕа Виктор Загребельных сэрииттэн кэлэн баран Сэбиэскэй Сойуус маршала Рокоссовскай аатынан Уһук Илиннээҕи үрдүкү училищетын курсана буолбута. Бойобуой дьайыы бэтэрээнэ Алдан оройуонун Томмот оскуолатын үөрэнээччилэригэр идэҕэ туһаайыы уруогун ыытта.
Кини 8-c №-дээх уонна 36-с №-дээх оскуола үөрэнээччилэрин кытта көрүстэ.
Байыаннай сулууспалаах улахан кылаас оҕолоругар Амурскай уобаласка баар Константин Рокоссовскай аатынан байыаннай училищеҕа үөрэнэ киириэхтэрин сөбүн туһунан кэпсээтэ.
Кини оҕолорго туһааннаах үөрэх кыһата төрүттэммитэ 85 сыла буоларын итиэннэ биир дойдулаахтарбыт, Арассыыйа Дьоруойдара Игорь Юргин уонна Николай Соболев туһааннаах байыаннай училище выпускниктара буолалларын бэлиэтээн эттэ.
Санатан эттэххэ, Саха сирин баһылыга Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр байыаннай дьайыы кыттыылаахтарын эйэлээх олоххо социальнай адаптацияларын сүрүн соруктартан биирдэстэринэн ааттаабыта.
“Биһиги байыастарбыт төрөөбүт дойдуларыгар кыайыы көтөллөөх эргиллиэхтэрэ уонна биһиги – былаас уонна уопсастыба иннигэр дьоһун сорук турар. Биһиги кинилэр эйэлээх олоххо этэҥҥэ киириилэригэр бэлэмниэхтээхпит. Хас биирдии буойуну толору чөлүгэр түһэриэхтээхпит. Үлэҕэ киллэриэхтээхпит, үгүөрү хамнаһынан хааччыйыахтаахпыт. Өрөспүүбүлүкэ бырабыыталыстыбатыгар , муниципальнай тэриллиилэр баһылыктарыгар бары хайысхаларынан байыаннай сулууспалаахтар социальнай өттүнэн адаптацияларыгар үлэни күүһүрдэргэ соруйабын”, — диэбитэ өрөспүүбүлүкэ баһылыга.
Өрөспүүбүлүкэ баһылыгын сордаҕынан федеральнай бырагырааманан байыаннай дьайыыга сылдьыбыт дьонтон каадырдары иитэн таһаарар сыаллаах «Саха сирэ — дьоруойдар сирдэрэ» диэн каадыр бырагыраамата үлэҕэ киириэҕэ.
1926 сыллаахха ССРС Реввоенсоветын бэрэссэдээтэлэ М.В. Фрунзе дьаһалынан Дьокуускайга Саха Нассынаалынай байыаннай оскуола тэриллэн, сахалартан…
Олунньу 23 күнүгэр Аҕа дойду көмүскэлин күнүгэр Кыайыы 80 сылын көрсө, байыаннай дьайыы кыттыылаахтарыгар Кыайыыны…
Олунньу 22 күнүгэр Мукучу нэһилиэгин "Дайан" сынньалаҥ киинигэр Аҕа дойдуну көмүскээччи күнүгэр анаан тэрилтэлэр икки…
Күммүт уһаан эрэрэ билиннэ, улахан тымныылар хаптайдылар быһыылаах. Хата, мантан саас тыалыран сордуура буолуо. Иллэҥ…
Олунньуга Кэбээйи улууһун Сииттэ нэһилиэгин олохтоохторо байыаннай дьайыыга сылдьар биир дойдулаахтарбытыгар анаан, 100 тыһыынча солк.…
Бүгүн, олунньу 23 күнүгэр, «Саха» НКИХ уонна «Тэтим» араадьыйаҕа «Ил Дарханныын кэпсэтии» биэрии тахсыа. Ил…