«Эркээйи» хаһыат хаартыската
Байыаннай дьайыы кыттыылааҕа Иван Бурнашев Мэҥэ Хаҥалас улууһугар социальнай-реабилитационнай киин иитиллээччилэрин кытта көрүстэ.
Бойобуой дьайыы бэтэрээнэ байыаннай сулууспа итиэннэ чугас дьонуттан уонна билбэт да оҕолоруттан кыайыыга эрэллээх суруктары, сонуннары тутар үөрүүлээх түгэннэрин туһунан кэпсээтэ. Оҕолор бэркэ сэҥээрэн байыаһы кытта кэпсэттилэр, ыйытыыларын биэрдилэр. Иван Бурнашев оҕолорго туһаайан аармыйаҕа сулууспалыыр хайаан да наадатын, төрөөбүт дойдуну көмүскүүр суолталааҕын кэпсээтэ. Кини оҕолору Калашников аптамаат макыатын хомуйарга үөрэттэ.
«Дойдуга сулууспалааһын эр киһи ытык иэһэ буолар», — диэтэ кини. Көрсүһүүнү тэрийээччилэр маннык көрсүһүүлэр оҕолорго төрөөбүт дойдуга бэриниилээх буолуу санаатын үөскэтэрин бэлиэтээтилэр.
Бэлиэтээн суруйдахха, Ил Дархан Айсен Николаев Ил Түмэҥҥэ Туһаайан этиитигэр, байыаннай дьайыыттан кэлбит дьон эйэлээх олоххо этэҥҥэ эргиллэллэригэр сүрүн соругунан социальнай адаптация буоларын бэлиэтээбитэ.
«Биһиги байыастарбыт кыайыы көтөллөөх дойдуларыгар эргиллиэхтэрэ. Ол кэмҥэ былаас уонна уопсастыба иннигэр улахан сорук турар. Биһиги кинилэр эйэлээх олоххо төннөллөрүгэр көмө, тирэх буолуохтаахпыт. Хас биирдии байыас чөлгө түһүүтүгэр көмөлөһүөхтээхпит, үлэ боппуруоһун быһаарыахтаахпыт. Мин СӨ Бырабыыталыстыбатыгар, улуустар баһылыктарыгар байыаннай сулууспалаах этэҥҥэ чөлгө түһэн адаптациятын ааһарыгар үлэни күүһүрдэр туһунан сорудахтыыбын «, — диэбитэ.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…