Хаартыска: "Заря Яны" хаһыат эрэдээксийэтэ .
Усуйаана улууһугар «Сахаэнерго» АУо Дьааҥытааҕы электрическэй ситимнэрин үлэһиттэрэ анал байыаннай дьайыы зонатыгар дьоруойдуу охтубут биир идэлээхтэригэр, гвардия старшай сержаныгар Станислав Поповка өйдөбүнньүк дуосканы арыйдылар.
Станислав Валерьевич 2023 сыллаахха 26 сааһыгар Запорожье уобалаһыгар байыаннай сулууспаҕа эбээһинэһин толоро сылдьан, артиллериянан ытыалааһын кэмигэр хорсун быһыытынан олоҕун толук уурбута. Өйдөбүнньүк дуосканы үөрүүлээхтик арыйыы сиэрэ-туома Депутатскай бөһүөлэгин ТЭС станциятын аттыгар буолла. Станислав Попов бу тэрилтэҕэ паровай-газовай турбина тэрилин өрөмүөннүүр слесарынан үлэлээбитэ.
Тэрээһиҥҥэ энергетик-буойун ийэтэ уонна кэргэнэ, аймахтара уонна чугас дьоно, Депутатскай бөһүөлэгин баһылыга Наталья Погорельская, Дьааҥытааҕы электрическэй ситимнэр үлэһиттэрэ, ону тэҥэ ыҥырыылаах ыалдьыттар кытыннылар. Өйдөбүнньүк дуосканы арыйар чиэс буойун ийэтигэр Маргарита Поповаҕа уонна кэргэнигэр Каталея Поповаҕа бэрилиннэ.
Станислав Попов ийэтэ Маргарита Руслановна дьиэ кэргэнин уонна аймахтарын ааттарыттан энергетиктарга махтанна: «Дьааҥытааҕы электрическэй ситимнэр кэллэктииптэригэр, ону тэҥэ тапталлаах кэргэн уонна аҕа, үтүө доҕор уонна эрэллээх табаарыс, Депутатскайдааҕы ТЭС эппиэтинэстээх үлэһитэ буолбут уолум Станислав Попов аатын үйэтитиигэ кыттыбыт бары дьоҥҥо махталым улахан. Биһиэхэ, Стас төрөппүттэригэр уонна аймахтарыгар, бу тэрээһин олус улахан суолталаах».
Маргарита Попова билигин анал байыаннай дьайыы ыытыллар сиригэр кыра уола уонна кинилэр аҕалара сылдьалларын бэлиэтээтэ. Кинилэр эмиэ Дьааҥытааҕы электрическэй ситимнэр үлэһиттэрэ буолаллар.
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…