Байыаннай дьайыы кыттыылааҕа сынньанар сири тэрийэр

Байыаннай дьайыы кыттыылааҕа Василий Габышев  Өлүөхүмэ улууһугар сынньалаҥ уонна туризм эйгэтин тэрийэргэ ылыста. Бу кини байыаннай дьайыы кыттыылааҕын быһыытынан ылбыт социальнай хантараагар олоҕурбут судаарыстыба көмөтүнэн кыалынна.

Василий  “Дойдуну  көмүскээччилэр” судаарыстыба пуондатын  салаатын социальнай сүрүннээччитиниин  2023 сыл от ыйыттан үлэлэһэр. Бэтэрээн биир оннук көрсүһүүгэ улуус олохтоохторо уонна ыалдьыттар сыл ханнык баҕарар кэмигэр сынньалаҥнарын тэрийэр сири оҥоруохха сөбүн туһунан санаатын үллэстибитэ. Социальнай  сүрүннэээччи  Зоя Семеновна бэтэрээн көҕүлээһинин өйөөн, социальнай хантараагы түһэрсэргэ наадалаах доумуоннары бэлэмнииргэ көмөлөспүтэ. Ол түмүгэр Василий  бэйэтин бырайыагын сайыннарарыгар  500 тыһыынчаны ылбыта уонна үлэтин саҕалаабыта.

Кини бырайыага “Муҥку паарк” диэн ааттаах. Кыһын манна ватрушканан сыырдыыр уона аргамагынан сырсар сири, онтон сайын Улахан Черепаниха өрүскэ сөтүөлүүр сири оҥорорго былаанныыллар.

«Бу бырайыак – мин бэйэм дьыалабын саҕалыырбар кыах эрэ буолбакка, биһиги улууспут сайдыытыгар бэйэ кылаатын киллэрии буолар. “Муҥку паарка” дьон-сэргэ сынньанар, үөрэр-көтөр у уонна дьиэ кэргэттэрин, доҕотторун кытары  бириэмэлэрин атаарар үтүө сиринэн буолуон баҕарабын”, — диир Василий.