Байыаннай дьайыы кыттыылааҕа ТЭЦ-кэ линейщигынан үлэҕэ киирдэ

Байыаннай дьайыы бэтэрээнэ Эдуард Шкулеву  “Аҕа дойдуну көмүскээччилэр” судаарыстыбаннай пуонда Саха сиринээҕи филиала көмөлөһөн, Дьокуускайдааҕы ТЭЦ-кэ линейщигынан үлэҕэ киллэрдилэр.

“Судаарыстыбаннай пуондаҕа хаста даҕаны араас боппуруоһунан көмөҕө киирэ сырыттым. Исписэлиистэр үлэлэрин биһирээтим. Чуолаан, тус бэйэм координаторбын Александра Максимованы бэлиэтиибин. “Аҕа дойдуну көмүскээччилэр” пуонда, бэтэрээннэргэ уонна кинилэр дьиэ кэргэттэригэр көмөлөһөн, улахан суолталаах социальнай эбээһинэһи толорор дии саныыбын. Бары үлэһиттэргэ махатанабын” – диэн Эдуард Шкулев санаатын үллэһиннэ.

Саха сирин олохтооҕо Аҕа дойдуну көмүскүү бэйэтин баҕатынан барбыт. 2023 сыл олунньутугар “Ахмат” баҕа өттүнэн кыттааччылар этэрээттэригэр киирэн Грознайга тиийбит, хантараак баттаспыт. Кини Запорожскай уобалаһынан, ДНӨ уонна Марьинканан сылдьан сэриилэспит.

Бу туһунан Ил Дархан уонна Бырабыыталыстыба пресс-сулууспата суруйар.