Андрей Сорокин хаартыскаҕа түһэриитэ, СИА
Ил Дархан Айсен Николаев бүгүн, олунньу 20 күнүгэр, «Биир ньыгыл Арассыыйа» баартыйа бэрэссэдээтэлэ Дмитрий Медведев эрэгийиэннээҕи уопсастыбаннай приемнайыгар дьону-сэргэни кытта көрүстэ.
Манна байыаннай дьайыы кыттыылааҕа Денис Елистеев Ил Дарханы кэлэн көрүстэ. Кини дьиэ туттарыгар учаастак боппуруоһа быһаарыллыбытыгар махтанна.
«Кэргэннээхпин, икки оҕолоохпун. Бас билэр дьиэлэнэр биһиги улахан ыра санаабыт«, — диир бойобуой дьайыылар бэтэрээннэрэ.
Киниэхэ дьиэ туттарыгар ирдэнэр докумуоннары толорон, учаастакка бас билии бэриллиэҕэ диэн иһитиннэриигэ этиллэр.
Аҕа дойдуну көмүскээччи күнүн иннинэ Дьокуускай куорат дьаһалтата байыаннай дьайыы кыттыылаахтарыгар ананыахтаах 1400 кэриҥэ учаастагы тарҕатарга бэлэмниир үлэни ыыппыт. Куорат баһылыга Евгений Григорьев иһитиннэрбитинэн, учаастактар түҥэтиллэргэ бэлэмнэр, тарҕатыы олунньу 25 күнүттэн саҕаланар.
Ил Дархаҥҥа көрсүһүүгэ сэрии, тыыл, үлэ бэтэрээннэрин норуодунай хорун бэрэссэдээтэлэ Марияна Попова сырытта. Кини айар кэлэктиип 60 сылынан кинигэ таһааралларыгар көмөлөһөргө көрдөстө.
«Кулун тутарга хорбут 60 сылын туолар. Бу хору Аҕа дойду сэриитин кыттыылаахтара уонна тыыл бэтэрээннэрэ тэрийбиттэрэ. Кинилэр өйдүү-саныы сылдьарга Улуу Кыайыы 80 сылынан кинигэ таһаарар улахан баҕалаахпыт«, — диэтэ кини. Маныаха кинигэ тахсарыгар өйөбүл оҥоһуллар буолла. «Алаас» кинигэ кыһата 100 кинигэни босхо бэчээттээн биэрэргэ бэлэмин биллэрдэ. Ил Дархан тэриллибитэ 60 сылын туолар хорга таһаарыылаах үлэни баҕарда, махтанна.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Саха сирэ — Арассыыйа саамай улахан, киэҥ сирдээх-уоттаах эрэгийиэнэ. Биир сүрүн баайбытынан айылҕабыт буолар. Аан дойду…
Дьахталлардааҕар, оҕолордооҕор дьиэ иһинээҕи күүһүнэн өттөйүүгэ ордук саастаах төрөппүттэр көмүскэлэ суохтар диэн быһаараллар. Билиҥҥитэ биир…
Бэс ыйын 7 күнүгэр ыраах сытар, уустук суоллаах-иистээх Бөрөлөөх нэһилиэгин олохтоохторо “Арассыыйа уута” Бүтүн Арассыыйатааҕы…
— Үлэһит атын тэрилтэҕэ көһөөрү уурайыан баҕарар. Ол иһин кини уоппускатын атын тэрилтэҕэ ылаары (илдьэ бараары)…
Бүгүн, бэс ыйын 8 күнүгэр, Соҕуруу Африкаҕа Comrades Marathon диэн ультрамарафон 98-с төгүлүн ыытыллыаҕа. Манна…
Бу күннэргэ «Создано на Дальнем Востоке» норуоттар икки ардыларынааҕы креативнай индустрия пуорума киэҥ далааһыннаахтык буолан…