Байыаннай дьайыы кыттыылааҕар – сынньалаҥ баазатыгар сэртипикээт

Саха сирин үрдүнэн  байыаннай дьайыы кытыылаахтарыгар уонна кинилэр дьиэ кэргэттэригэр көмө тиһиктээхтик барар.

Нам улууһун олохтоохторо  байыаннай дьайыы кыттыылаахтарыгар уонна кинилэр дьиэ кэргэттэригэр көхтөөхтүк көмөлөһөллөр диэн «Нам улууһа» МТ пресс-сулууспата иһитиннэрэр.

Ол курдук, «Ленские зори» ХЭТ тэрийээччитэ, урбаанньыт Юрий Ермолаев бэйэтин өйөбүлүн биллэрэн,  байыаннай дьайыы кыттыылааҕар, «Барс-2» баҕа өттүнэн барааччылар этэрээттэрин гвардия сержана, взвод хамандыыра Олег Акиловка «Кэҥкэмэ» туристическай баазаҕа сынньанарга сэртипикээти бэлэхтээтэ. Сэртипикээттэри  Намнааҕы биисинэс-инкубатор дириэктэрэ Борис Бугаев туттарда.

Борис Бугаев маннык хас биирдии көмөлөһөр дьоммутугар барҕа махталбытын тиэрдэбит диэн эттэ.