Хаартыска: SakhaGov
Сэтинньи 1 күнүтэн байыаннай дьайыыга кыттыбыт Арассыыйа байыаннай сулууспалаахтара, атын биэдэмистибэлэр үлэһиттэрэ, баҕа өттүнэн барбыттар байыаннай дьайыыга кыттыбыттарын бигэргэтэр ыспыраапкаларын электроннай көрүҥүнэн ылар кыахтаныахтара.
Саха сирин бырабыыталыстыбатын бэрэссэдээтэлин солбуйааччы Георгий Степанов алтынньы 14 күнүгэр брифиҥҥэ иһитиннэрбитинэн, маннык ыспыраапкалар сэтинньиттэн Судаарыстыбаннай өҥө порталыгар баар буолуохтара.
«Маннык ыспыраапкалар сэтинньиттэн Судаарыстыбаннай өҥөлөр порталларыгар уонна судаарыстыбаннай, муниципальнай өҥөлөр ханнык баҕарар элбэх хайысхалаах кииннэригэр баар буолуохтара. Онуоха ыспыраапканы кумааҕынан эбэтэр электроннай көрүҥүнэн байыаннай дьайыы кыттыылааҕын дьиэ кэргэнин чилиэнэ буоларын бигэргэппиттэр эмиэ ылар кыахтаныахтара”, — диэн вице-премьер быһаарда.
Георгий Степанов аадырыстаммыт көмөлөр тустарынан кэпсээбитинэн, Саха сиригэр байыаннай дьайыы кыттыылааҕын 143 дьиэ кэргэнэ олорор дьиэтигэр гааска холбонно, 461 төрөппүт санаторийга-курортка эмтэннэ, 344 киһи байыаннай дьайыы кыттыылааҕа эмтэнэр сиригэр барарга үбүнэн-харчынан көмөнү ылла. Байыаннай дьайыы 850 кыттыылааҕа уонна дьиэ кэргэттэр 1556 чилиэннэрэ доруобуйа харыстабылын уонна социальнай хааччыйыы тэрилтэлэригэр доруобуйаларын чэбдигиртилэр.
572 киһи, ол иһигэр байыаннай дьайыы 176 кыттыылааҕа уонна кинилэр дьиэ кэргэттэриттэн 396 киһи, дьарыктаах буолуу кииннэриттэн үлэ буларга көмө көрдөөтө.
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай интэринээт-оскуола иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…