Хаартыска: СИА
Саха сиригэр байыаннай эпэрээссийэ кыттыылаахтарыгар уонна кинилэр дьиэ кэргэттэригэр өйөбүл миэрэлэрэ салҕаналлар. Байыастар доруобуйаларын чөлүгэр түһэрэллэр уонна адаптивнай, маассабай успуорка кытталар. Бу туһанан СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
«Өрөспүүбүлүкэҕэ уопсайа 282 байыас уонна 506 кинилэр дьиэ кэргэттэрэ балыыһаларга уонна социальнай дьиэлэргэ доруобуйаларын көрдөрдүлэр. 150 дьиэ кэргэттэрэ байыаннай сулууспалаахтар эмтэнэ сылдьар сирдэригэр диэри барарга материальнай көмө ыллылар. Итиэннэ 43 дьиэ кэргэн дьиэтигэр гаас тардылынна, 105 төрөппүт Саха сирин санаторийдарыгар сынньаннылар», — диэн Георгий Степанов эттэ.
Ону таһынан, Нэһилиэнньэ дьарыктаах буолуутун киинигэр 57 байыаннай эпэрээссийэ кыттыылааҕа уонна 137 кинилэр дьиэ кэргэттэрэ үлэ туһунан ыйытыласпыттар. Онтон 98 киһи үлэлэннэ, 61 киһи анал үөрэххэ ыытыллынна.
Вице-премьер бэлиэтээбитинэн, билигин социальнай реабилитация чэрчитинэн байыаннай дьайыы кыттыылаахтара уонна бэтэрээннэрэ адаптивнай уонна маассабай успуорка кытталар.
«Атырдьах ыйыгар Саха сирин делегацията Кузбасска буолбут Аҕа дойдуну көмүскээччилэр куубактарыгар, паралимпийскай кэмитиэт уонна «Защитники Отечества» пуонда сэминээригэр кыттыыны ыллылар. Эрэгийиэҥҥэ маннык үлэ салҕаныаҕа», — диэтэ Степанов.
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…