Хаартыска: Мария Васильева, СИА.
Саха сиригэр байыаннай дьайыы кыттыылаахтара уонна кинилэр дьиэ кэргэттэрэ социальнай хантараак нөҥүө уонна дьарыктаах буолуу бырагырааматынан бэйэ дьыалатын арыныахтарын баҕараллар. Бу туһунан СИА-ҕа СӨ Нэһилиэнньэтин дьарыктаах буолуутун киинин дириэктэрин солбуйааччы Игорь Соловьев кэпсээтэ.
— Амма, Дьааҥы, Нерюнгри, Томпо, Уус Маайа оройуоннарыгар байыаннай дьайыы кыттыылаахтара бэйэ дьыалатын арыннылар. Дьарыктаах буолуу киинигэр бу боппуруоһунан барыта 29 киһи кэлбититтэн, 7 киһиэхэ үлэ булан биэрдилэр, 7 киһи бырамыысыланнай тэрилтэлэргэ үлэлииргэ анал үөрэҕи бараллар. Ону тэҥэ, биһиэхэ байыаннай дьайыы кыттыылаахтарын дьиэ кэргэттэриттэн 62 киһи кэлбититтэн, 17 киһи үлэ булла. 12 киһи косметолог, социальнай үлэһит, сиэстэрэ курдук идэлэргэ үөрэнэ сылдьаллар, — диэн дириэктэри солбуйааччы Игорь Соловьев эттэ.
Игорь Соловьев бэлиэтээбитинэн, билигин 20 байыаннай дьайыы кыттыылааҕа уонна кинилэр дьиэ кэргэттэриттэн 35 киһи учуокка тураллар. Кинилэргэ идэлэрин булалларыгар, социальнай адаптацияны ааһалларыгар уонна уйулҕа өттүнэн көмө оҥоһуллар.
Санатар буоллахха, 2023 сылга социальнай хантараагы түһэрсиигэ 1 миллиард солкуобай кэриҥэ үп көрүллүбүтэ.
Нерюнгри улууһун Чульман бөһүөлэгэр 18 саастаах уол таһырдьа -40 кыраадыс буолан турдаҕына, дьиэлэр ититиилэрин ситимнэрин…
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо…
Ахсынньы 25 күнүгэр Украинаҕа эйэлээх сөбүлэһии оҥоһуллуохтаах диэн Трамп олохтообут болдьоҕо бүттэ. Билиҥҥи туругунан эйэлээх…
Саха сиригэр "Дьиэ кэргэн" национальнай бырайыагынан 437 мэдиссиинэ аныгы тэрилэ кэллэ. Арассыыйа бэрэсидьиэнэ Владимир Путин көҕүлээбит…
«Үлэ киһитэ» бириэмийэ араас салааларга үлэлиир дьон үлэҕэ ситиһиилэрин өрөспүүбүлүкэтээҕи билиниитэ буолла. Ил Дархан Ил…
2026 сыл -- Ат сыла үүнэрэ аҕыйах хонук хаалла. Бары даҕаны бу күүтүүлээх, долгутуулаах кэлэр…