Байыаннай дьайыы кыттыылаахтара босхо үөрэниэхтэрэ

СӨ Нэһилиэнньэ дьарыктаах буолуутун сулууспата байыаннай дьайыы кыттыылаахтарын, кинилэр дьиэ кэргэттэрин мэлдьи өйүүр.

“Демография” национальнай бырайыагынан байыаннай дьайыы кыттыылаахтара Арассыыйа бастыҥ үөрэҕин кыһаларын 217 үөрэтэр бырагыраамаларынан босхо үөрэҕи ылыахтарын сөп”,- диэн иһитиннэрдэ от ыйын 2 күнүнээҕи брифиҥҥэ СӨ Нэһилиэнньэ дьарыктаах буолуутун киинин дириэктэрэ Николай Иванов.

Кини эппитинэн, бэс ыйын 28 күнүгэр өрөспүүбүлүкэ үрдүнэн үлэҕэ ылыы Бүтүн Арассыыйатааҕы дьаарбаҥката буолбут, онно 1,5 тыһ. киһи сылдьыбыт, ол иһигэр байыаннай дьайыы 60 кыттыылааҕа уонна кинилэр дьиэ кэргэттэрэ. Кинилэр дьарыктаах буолуу өҥөтүнэн туһаннылар, үөрэх тэрилтэлэриттэн ыҥырыылары туттулар, өрөспүүбүлүкэ бөдөҥ бырамыысыланнай тэрилтэлэрин үлэҕэ ылар дьонун кытта тэйиччиттэн кэпсэттилэр.

Николай Иванов иһитиннэрбитинэн, бэс ыйыгар байыаннай дьайыы икки кыттыылааҕа урбаан дьыалатын саҕалыылларыгар үбүнэн көмөнү ылбыттар, байыаннай сулууспалаахтар 41 оҕолоро сайыҥҥы сынньалаҥнарын кэмигэр быстах үлэҕэ киирдилэр. Ону тэҥэ Дьарыктаах буолуу сулууспатын чэрчитинэн саҥа оробуочай идэни, квалификацияны баһылыырга 64 киһи ыытылынна, диэн иһитиннэрэр СӨ Ил Дарханын уонна СӨ Бырабыыталыстыбатын пресс-сулууспата.