Хаартыска: Андрей Сорокин, СИА.
Аҕа дойдуну көмүскээччи күнүн иннинэ Ил Дархан байыаннай дьайыы кыттыылаахтарыгар дойду уонна өрөспүүбүлүкэ үрдүк наҕараадаларын туттарда.
“Улуу Кыайыы 80 сылын биһиги өрө көтөҕүллүүлээхтик көрсөбүт, биһигини быыһаабыт саллааттары дириҥ ытыктабылынан ахтабыт. Бүгүн биһиги дойдубут хаттаан аан дойду кэлэр кэскилин туһугар охсуһар. Байыаннай дьайыы саҕаланыаҕыттан биһиги биир дойдулаахтарбыт инники кирбиигэ хорсуннук сэриилэһэллэр, Аҕа дойду Улуу сэриитигэр кыргыспыт көлүөнэ дьоруойдуу быһыытын салгыыллар”, — диэтэ Айсен Николаев.
Ил Дархан байыаннай дьайыы буола турар сиригэр элбэхтик сылдьарын этэн туран, РФ Бэрэсидьиэнин ыйааҕынан Эр санаа уордьанын Эрсан Андреевка, Николай Седалищевка, “Аҕа дойду иннигэр үтүөлэрин иһин” II истиэпэннээх мэтээли Максим Ивановка, “Хорсун быһыытын иһин” мэтээли Ньургун Сивцевкэ, Эдуард Шурскайга, “Хорсунун иһин” II истиэпэннээх мэтээли Евгений Веселковка, Суворов мэтээлин Николай Ларионовка, Үрдүкү Главнокомандующай Махталын Руслан Дьяконовка, РФ Оборуона министиэристибэтин мэтээлин Владимир Карамзиҥҥа, волонткрскай көмөтүн иһин “Аҕа дойду иннигэр үтүөлэрин иһин” II истиэпэннээх мэтээли Дмитрий Носовка, Ил Дархан Махталын Алексей Михайловка туттарда.
Николай Евдокимов, РФ Дьоруойа:
“Саха норуотугар, Айсен Сергеевичка олус улахан махталбын, дириҥ ытыктабылбын тиэрдэбин. Саха сириттэн сүҥкэн көмө байыаннай дьайыы зонатыгар тиийэ турар. Барҕа махтал барыгытыгар!”
Игорь Юргин, РФ Дьоруойа:
“Быйыл дойдуга да, өрөспүүбүлүкэҕэ да биллэриллибит сыллар бэйэ-бэйэлэригэр сөп түбэсиһэн биэрдилэр. Ыччат туһунан сокуоҥҥа биир сүрүн хайысха быһыытынан патриотическай иитии киирэн биэрдэ. Биһиги эдэр көлүөнэҕэ маннык тэрээһиннэри элбэхтик көрдөрүөхтээхпит, бэтэрээннэр Кыайыы туһугар киллэрбит кылааттарын кэпсиэхтээхпит. Байыаннай дьайыыга сылдьар уолаттар бэйэлэрин эһээлэрэ оҥорбут хорсун быһыыларын хатылыыллар. Мин оҕо эрдэхпиттэн Аҕа дойду Улуу сэриитин интэриэһиргиирим. Биирдэ оскуолабытыгар бэтэрээн кэлбитэ, хайдах сэриилэспитин кэпсээбитэ. Биэс сылы быһа наар окуопа хастан тыыннаах хаалбытын эппитэ. Мин кини кэпсээнин байыаннай дьайыы буола турар сиригэр тиийэн, бэйэм окуопа хаста сылдьан өйдүү түспүтүм. Ол иһин саллааттарбын наар окуопата хастыҥ диэн ирдиир этим.
Эр дьоҥҥо туһаайан куруук бэйэҕитигэр эрэллээх буолуҥ, самныбат санааланыҥ, ханнык да бэйэлээх мэһэйи киһи туоруур, эрэниэххитин эрэ наада диэн туран, дьолу-соргуну, дьиэ кэргэҥҥитигэр или-эйэни, барҕарыыны баҕарабын”.
Быйыл Абый улууһугар Киэҥ Күөлгэ уонна Сыаганнаахха 4G суотабай сибээс ыстаансыйатын тутары былаанныыллар. Бу туһунан…
Аҕа дойдуну көмүскээччи күнүн көрсө Дьааҥы улууһун Баатаҕай орто оскуолатыгар сэргэх тэрээһиннэр ыытыллаллар. Алын сүһүөх кылаастар…
2026 сыл бүтүүтүгэр Абыйга Н.Н.Ефимов аатынан гимназияҕа эбии тутууну үлэҕэ киллэрэри былаанныыллар. Бу туһунан СӨ…
Олунньу 21 күнүгэр Оҕо айымньытын дыбарыаһыгар "Айыы кыһата» национальнай гимназия киин куорат сахалыы тыллаах оскуолаларын…
Аҕа дойдуну көмүскээччи күнүнэн бу күннэргэ байыаннай дьайыыга сылдьар байыастарга анаан тирэх пууннарга бэлэхтэри ыыттылар.…
Аҕа дойдуну көмүскээччи күнүн чэрчитинэн Дьокуускай 13 №-дээх оскуолатыгар байыаннай дьайыыга кытта сылдьан сырдык тыынын…