Байыаннай дьайыы кыттыылаахтара идэ таһымын үрдэтиэхтэрэ

СӨ Уопсастыбаннай палаататын бэрэссэдээтэлэ Станислав Иванов «Саха сирэ — дьоруойдар сирдэрэ» бырагырааманы инникилээх диэн этэр.  

-Мин санаабар,  байыаннай дьайыы кыттыылаахтара өрөспүүбүлүкэ бары салааларыгар көхтөөхтүк  кытталларыгар туһаайыллар. Ол эрээри  үгүс кыттааччыларга  базовай билии тиийбэт буолуон сөп. Онон элбэх үлэ күүтэр. Мин бырагырааманы инникигэ  эрэллээхтик көрөбүн, — диэтэ Станислав Иванов.

Ил Дархан Айсен Николаев көҕүлээбит эрэгийиэннээҕи бырагыраамата байыаннай дьайыы кыттыылаахтарын өйүүргэ туһуланар. Онон, байыаннай дьайыы кыттыылаахтара идэни баһылыырга үөрэниэхтэрэ, салайар дьоҕурдарын сайыннарарга, идэ таһымын үрдэтиигэ ылсыахтара.

«Время героев»  федеральнай бырайыагы РФ бэрэсидьиэнэ Владимир Путин көҕүлээбитэ.