Байыаннай дьайыы кыттыылаахтара мэдиссиинэ көмөтүнэн толору туһаналлар

Өрөспүүбүлүкэҕэ  байыаннай дьайыы 4396 кыттааччыта мэдиссиинэ көмөтүнэн туһанна.  

Бу туһунан олунньу 16 күнүгэр ыытыллыбыт брифиҥҥэ СӨ Доруобуйа харыстабылын Нэһилиэнньэҕэ мэдиссиинэ көмөтүн тэрилтэтин салаатын салайааччыта Дьулустаан Чичахов иһитиннэрдэ.

«3120 байыаннай сулууспалаах — амбулаторнай, оттон 1276 киһи стационарнай көмөнү ылбыт.  Байыаннай дьайыы 420 кыттааччыта медиссиинискэй реабилитацияны ааспыт.  Байыаннай дьайыы 868 кыттааччытыгар уонна кинилэр 1138 дьиэ кэргэттэригэр медисиинискэй, психологическай, психотерапевтическай уонна психиатрическай көмө оҥоһулунна«, — диэн Дьулустаан Чичахов кэпсээтэ.

Управление салайааччыта иһитиннэрбитинэн, Саха сирин эмчиттэрэ Докучаевскайга уонна Донецкай народнай өрөспүүбүлүкэтигэр быйыл 21 эпэрээссийэни оҥордулар. Билигин Дьокучаевскайга Саха сириттэн биир хирург үлэлии сылдьар.

Ил Дархан Айсен Николаев Судаарыстыбаннай Мунньахха (Ил Түмэн) этиитигэр байыаннай дьайыы кыттыылаахтарыгар ураты болҕомтону уурарга ыҥырбыта.