Бүгүн, атырдьах ыйын 2 күнүгэр, Москваҕа баар Саха сирин бастайааннай бэрэстэбиитэлэ Андрей Федотов байыаннай дьайыыга кыттыбыт биир дойдулаахтарбытыгар судаарыстыбаннай наҕараадалары туттарда. Бу туһунан Ил Дархан пресс-сулууспата иһитиннэрэр.
Байыаннай дьайыыга сылдьан сорудаҕы толорууга хорсун-хоодуот буолууну, дьоруойдуу быһыыны көрдөрүү уонна байыаннай сомоҕолоһууну бөҕөргөтүү иһин 8 буойун наҕараадаҕа тигистилэр.
Андрей Федотов байыаннай дьайыыга уолаттар чиэстээхтик сулууспалыылларын иһин ис сүрэхтэн дириҥник махтанарын эттэ.
«Биһиги уолаттарбыт санаалара бөҕөх. Үгүстэр иккис-үһүс төгүлүн байыаннай киирсии лииньийэтиттэн төннөллөр. Кинилэр үрдүк бэлэмнээхтэрин көрдөрөллөр. Чуо, эһиги хорсун быһыыгытынан Арассыыйаны аан дойду таһымыгар ытыктыыллар», — диэн Андрей Федотов бэлиэтээтэ.
Ураты хорсун уонна дьоруойдуу быһыыны көрдөрбүттэрин иһин «Хорсунун иһин» Луганскай Наруодунай Өрөспүүбүлүкэ мэтээлинэн наҕараадаланнылар: Евгений Авксентьев, Игорь Винокуров, Александр Ларионов, Сергей Захаров, Ньургун Нафанаилов, Сергей Третьяков.
Ураты хорсун уонна дьоруойдуу быһыыны көрдөрбүтүн иһин «Байыаннай сомоҕолоһууну бөҕөргөтүү иһин» Луганскай Наруодунай Өрөспүүбүлүкэ мэтээлинэн Афанасий Саввин наҕараадаланна.
«За службу в воздушно-десантных войсках» мэтээл 1 истиэпэнэ батальон хамандыырыгар Василий Егоровка туттарылынна.
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар "хивустар" сырыылара сөргүтүллүбүтүн туһунан СӨ Тырааныспарга…
Сорохтор сааскы көмүөл Өлүөхүмэ улууһун ааспыта, туох да куттал суох диэтэллэр да, күн бүгүн Кыыллаах…
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…