Хаартыска: sakha.gov.ru
Саха сиригэр дьарыктаах буолуу сулууспатынан сыл саҕаланыаҕыттан байыаннай дьайыы 25 кыттыылааҕа уонна кинилэр дьиэ кэргэттэриттэн 13 киһи үлэнэн хааччыллыбыттар.
Бу туһунан СӨ нэһилиэнньэ дьарыктаах буолуутун киинин дириэктэрин солбуйааччы Айтал Керемясов иһитиннэрэр.
—СӨ нэһилиэнньэ дьарыктаах буолуутун сулууспата кэлим көмөнү оҥорор. Олунньу 17 күнүнээҕи туругунан дьарыктаах буолуу кииннэригэр учуокка 122 байыаннай дьайыы кыттыылааҕа уонна кинилэр дьиэ кэргэттэрин 53 чилиэнэ тураллар. Үлэ көрдөөччүлэргэ хас биирдиилэригэр көмө оҥоһуллара суолталаах, — диэн этэр Айтал Керемясов.
Кини байыаннай дьайыы бэтэрээннэрин үлэнэн хааччыйыы холобурдарын аҕалла. Ол курдук, Орто Халыма оройуонугар байыаннай дьайыы кыттыылааҕа нэһилиэнньэ дьарыктаах буолуутун киинин өйөбүлүнэн «Авиалесоохрана» ГБУ парашютист-десантнигынан үлэҕэ киирбит. Биир бэтэрээн Дьокуускайга «Эрэл» реабилитационнай кииҥҥэ тиис тиис оҥорооччунан үлэлиир. Байыаннай дьайыы биир кыттыылааҕа «АЛРОСА» ПАУо суоппардыыр, өссө биир киһи «Аэропорт Якутск» АУо иниспиэктэрдиир.
Айтал Керемясов иһитиннэрбитинэн, Аҕа дойдуну көмүскээччи күнүн иннинэ, олунньу 19 күнүгэр, өрөспүүбүлүкэ үрдүнэн «В кругу СВОих» аахсыйа ыытыллар. Бары улуустарга аһаҕас аан күннэрэ буолаллар.
Сиһилии: https://www.sakha.gov.ru/news/26425
СӨ Ил Дарханын уонна Бырабыыталыстыбатын пресс-сулууспата
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата. Манна Абый улууһуттан Дьокуускайга олорор…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…
Федерация Сэбиэтин федеративнай тутулга, эрэгийиэн бэлиитикэтигэр, олохтоох салайыныыга уонна хоту дойду дьыалаларыгар кэмитиэтин бэрэссэдээтэлин солбуйааччы…
Түөкүттэр араас албаһы толкуйдаан, дьону албыннарыгар киллэрэн иһэллэр! Ааспыт нэдиэлэҕэ тоҕус киһини угаайыларыгар киллэрбиттэр. Ол…