Хаартыска: sakha.gov.ru ылылынна
Байыаннай дьайыы кыттыылаахтара уонна кинилэр дьиэ кэргэттэрин чилиэннэрэ, барыта 49 киһи үлэнэн хааччыллыбыт.
2025 сыл саҕаланыаҕыттан нэһилиэнньэ дьарыктаах буолуутун өрөспүүбүлүкэтээҕи киинигэр байыаннай дьайыы 63 кыттыылааҕа уонна кинилэр дьиэ кэргэттэриттэн 38 киһи өйөбүл көрдөөбүттэр. Бүгүҥҥү иһитиннэриинэн дьарыктаах буолуу сулууспатыгар байыаннай дьайыы кыттыылааҕа — 52 киһи уонна кинилэр дьиэ кэргэттэрин 48 чилиэнэ учуокка тураллар. Дьарыктаах буолуу сулууспаларын кыһамньыларынан байыаннай дьайыы кыттыылаахтара, уопсайа 24 киһи уонна кинилэр дьонноро (25 киһи) үлэнэн хааччыллыбыттар.
Саха сиригэр нэһилиэнньэ дьарыктаах буолуутун киинин дириэктэрин солбуйааччы Игорь Соловьев иһитиннэрбитинэн, бу дьон бары үлэнэн хааччыллыбыттар. Дьон-сэргэ ордук менеджер, экэнэмиис, харабыл, биэлсэр, эбии үөрэхтээһин исписэлииһэ, техник-радиооператор, администратор, физкултуура инструктора, о.д.а. үлэлэри ыйыталаһаллара бэлиэтэнэр.
Маны таһынан, байыаннай дьайыы кыттыылааҕа — түөрт киһи уонна кинилэр чугас дьонноро (биэс киһи) эбии үөрэммиттэр. Кинилэр саҥа идэни ылбыттар. Ол курдук оптуобус суоппара, социальнай үлэһит, иистэнньэҥ, асчыт, уо.д.а.
Ыам ыйын 28 күнүгэр байыаннай дьайыы кыттыылаахтарыгар анаан Кэлим күн ыытыллара былааннанар. Бу күн кинилэр элбэх сүбэни-аманы ылыахтара, үлэ миэстэтин көрүөхтэрэ, эбии үөрэххэ суруйтарыахтара, уо.д.а. Бэлиэтээн эттэххэ, хас биирдии кэлбит киһи дьарыктаах буолуу сулууспатыгар учуокка турарыттан, турбатыттан тутулуга суох, үлэ көрдөнөрүгэр бары көмө, өйөбүл оҥоһуллар.
Бу туһунан сиһилии: https://www.sakha.gov.ru/news/4816 көрүөххэ сөп
СӨ Ил Дарханын уонна Бырабыыталыстыбатын пресс-сулууспата
Бүгүн пааркаҕа сылдьан 2000 сыллардаахха хит буолбут ырыалары иһиттим. Аттыбынан ааста. Арай көрбүтүм, биир киһи…
"Создано на Дальнем Востоке" креативнай индустриялар пуорумнара Дьокуускайга ыам ыйын 29-31 күннэригэр буолуоҕа. Бу үс…
Бүгүн, ыам ыйын 20 күнүгэр, СӨ Ил Дархана Айсен Николаев "Ем.Ярославскай аатынан хотугу норуоттар историяларын…
Ыам ыйын 22 күнүгэр Саха сиригэр Сайылык күнэ бэлиэтэнэр. Бу күн сайын кэлэр уонна саха…
Оҕолорго уонна ыччакка "Вместе против коррупции!" куонкурус ыытыллар. Үөрэнээччилэр уонна устудьуоннар "Вместе против коррупции!" диэн…
Халыма өрүскэ муус харыытын кэтээн көрөллөр. Бүгүн 16:00 ч. иһитиннэриинэн, уу таһыма 1276 см тэҥнэспит.…