Байыаннай дьайыы кыттыылаахтара уоппускаларыгар кэллилэр

Бэҕэһээ, ыам ыйын 4 күнүгэр, Дьокуускай куоракка  байыаннай дьайыыттан кылгас болдьохтоох уоппускаҕа Сунтаар уонна Өлүөхүмэ  байыастара  кэллилэр.

Биир дойдулаахтарбытын аэропуорка  СӨ ЗАГС управлениетын салайааччыта  Тамара Кривошапкина уонна уолаттар табаарыстара көрүстүлэр. Тамара Кривошапкина  Ил Дархан аатыттан кинилэргэ махтал тылларын эттэ  уонна саха быһаҕын туттарда.

Байыастары төрөөбүт дойдуларыгар кэргэттэрэ, оҕолоро, чугас дьонноро, доҕотторо кэтэһэллэр.

Тамара Николаевна ЗАГС салаатынан байыастары долгутар боппуруостарыгар сүбэ-ама биэрдэ, ыйытыыларыгар хоруйдаата диэн управление пресс-сулууспата иһитиннэрдэ.