Ульяна Захарова хаартыскаҕа түһэриитэ
Бу сылга байыаннай дьайыы кыттыылаахтарыгар уонна кинилэр дьиэ кэргэттэригэр 485 тэрилтэҕэ 885 үлэ миэстэтэ кубуоталанна. Бу туһунан брифинг кэмигэр бүгүн, муус устар 8 күнүгэр, СӨ нэһилиэнньэ дьарыктаах буолуутун Судаарыстыбаннай кэмитиэтин бэрэссэдээтэлин солуйааччы Георгий Борисов иһитиннэрдэ.
«Дьарыктаах буолуу сулууспатын уорганнара байыаннай дьайыы кыттыылаахтарын уонна кинилэр дьиэ кэргэттэрин үлэҕэ олохтуур үлэлэрэ салҕанар. Ол курдук тэрилтэлэргэ үлэ кубуотатын тэрийии буолар», — диэтэ Георгий Борисов.
Кини иһитиннэрбитинэн, өрөспүүбүлүкэҕэ Ийэ дойдуну көмүскээччи сылын чэрчитинэн үлэ миэстэтин баазатын тэрийиигэ үлэ барар. Ол курдук 3 тыһыынча кэриҥэ байыаннай дьайыы кыттыылаахтарыгар үлэ миэстэтин таһаарыыга сорук турар.
Үлэ көрдөөн бу сылга байыаннай дьайыы 42 кыттыылааҕа, 56 киһи кинилэр дьиэ кэргэттэрин чилиэннэрэ дьарыктаах буолуу киинигэр сылдьыбыттар. Идэ ылыыга түөрт киһи анал үөрэххэ ыытыллыбыт. Бойобуой дьайыы 17 бэтэрээнэ уонна кинилэр дьиэ кэргэттэрин 18 чилиэнэ үлэ миэстэтин булбуттар. Бэйэ дьыалатын түөрт киһи арыйбыт.
Маны сэргэ бөдөҥ бырамыысыланнай тэрилтэлэри кытта үлэ миэстэтин таһаарыыга үлэ барар. Георгий Борисов иһитиннэрбитинэн, муус устар 18 күнүгэр «Работа России. Время возможностей» диэн Бүтүн Арассыыйатааҕы үлэ дьаарбаҥкатын эрэгийиэннээҕи түһүмэҕэ ыытыллыаҕа. Бу күн «Защитники Отечества» Судаарыстыбаннай пуонда филиалын кытта байыаннай дьайыы кыттыылаахтарыгар үлэ булууга сүбэ-ама биэриэхтэрэ. Тэрээһин «Россия-моя история» устуоруйа пааркатыгар буолуоҕа.
“Сүүрбэ сыл устата миигин өйөөбүккүтүгэр уонна миэхэ бэриниилээх тапталгыт иһин ис сүрэхтэн махтанабын. Хотторуу да,…
Саха сиригэр суукка устата 10 буруйу оҥоруу бэлиэтэммит. Бу туһунан СӨ Борокуратуурата иһитиннэрдэ. Ол курдук,…
Сотору кэминэн өрүстэр халаанныыр кэмнэрэ кэлиэ. Былырыын халааҥҥа да, ойуур баһаарыгар да федеральнай таһымнаах ыксаллаах…
Бэҕэһээ, муус устар 18 күнүгэр, Нам сэлиэнньэтигэр М.К. Аммосов аатынан култуура уонна духуобунай сайдыы дыбарыаһыгар…
Таатта улууһун Оһуокай түмсүүтүн салайааччыта И.Ф.Иванов тэрээһининэн үһүс сылын ыытыллар Оһуокай күрэҕэ буолла. Күрэҕи СӨ…
Бүгүн, муус устар 19 күнүгэр, өрөспүүбүлүкэ хотугулуу-арҕаа, хоту өттүгэр кыралаан хаардыаҕа, сорох сиринэн инчэҕэй хаар…