Хаартыска: ЯСИА
«Кыайыыга бииргэ» өрөспүүбүлүкэтээҕи хамыыһыйа байыаннай сулууспалаахтары эбии хааччыйар уонна сэбилиир былааннаах үлэтин салгыыр. Бу туһунан www.sakha.gov.ru сайт суруйар.
Донбасска көмө уонна өйөбүл Хотугу-Илиҥҥи пуондатын, «Кыайыыга бииргэ» хамыыһыйа өрөспүүбүлүкэтээҕи ыстаабын киинин салайааччыта Георгий Куркутов иһитиннэрбитинэн, бүгүҥҥү күҥҥэ 14 тиэхиньикэ ыытарга бэлэмнэннэ. Чугастааҕы кэмҥэ ыыталлара күүтүллэр. Бэлэмнэммит массыыналарга аадырыстаах баһыылкалар, волонтердар оҥоһуктара, ону таһынан тэрилтэлэр, министиэристибэлэр уонна биэдэмистибэлэр көмөлөрө эмиэ угуллаллар.
Георгий Куркутов бэлиэтээбитинэн, үлэ саҕаланыаҕыттан 134 тиэхиньикэ бэлэмнэнэн ыытыллыбыт. Бу араас көрүҥнээх массыыналар, матасыыкыллар, квадроцикллар, ону тэҥэ элбэх саппаас чаастар. Чуолкай байыаннай чаастар сайаапкаларынан волонтерскай тэрилтэлэр бүрүйэр-хаххалыыр сиэккэлэри уонна икки өрүттээх аналлаах табаардары оҥорон биэрэллэр. СӨ Быыһыыр сулууспатын кытта бииргэ үлэлээн, тиэхиньикэни уонна гуманитарнай таһаҕаһы ыытыы былаан-кыраапыга оҥоһуллар. Авиахампаанньалар, ол иһигэр «Дьокуускай» авиахампаанньа нөҥүө, гуманитарнай көмөнү, муниципальнай тэриллиилэр таһаҕастарын кытыннаран, быыстала суох ыытыы оҥоһуллар.
«Бүгүҥҥү күҥҥэ маннык сыыппараны бэлиэтиибит: сыл устата байыаннай дьайыы зонатыгар 35 тэриллиилээх бөлөх айаннаабыта. Бу – 24 муниципальнай тэриллии, министиэристибэлэр уонна биэдэмистибэлэр, ону таһынан бэйэлэрин үлэһиттэригэр уонна биир дойдулаахтарыгар эбии көмөнү тиэрдэр чуолкай тэрилтэлэр. Ол нөҥүө биһиги фроҥҥа быһаччы сибээһинэн биир дойдулаахтарбыт ханна баалларын билэбит», – диэтэ кини.
Өрөспүүбүлүкэҕэ көмөнү ыытыы таһынан, патриотическай иитиигэ уонна волонтерскай тэрилтэлэри кытта бииргэ үлэлээһиҥҥэ көхтөөх үлэ ыытыллар.
«Кэлэр ыйга волонтердар өрөспүүбүлүкэтээҕи пуорумнара былааннанар, онно биһиги, бастакытынан, бэйэбит бииргэ үлэлээһиммитин уонна волонтердарбытыгар судаарыстыба өттүттэн туох өйөбүл наадатын дьүүллэһиэхпит. Өссө төгүл күүспүтүн-уохпутун бэрэбиэркэлиэхпит, волонтерскай тэрилтэлэр географияларын чуолкайдыахпыт. Кэлэр сылга бу үлэ салҕаныа диэн эрэнэбин. Ону таһынан, кэлэр нэдиэлэҕэ Фашизмы утары пуорум түмүктүүр тэрийэр кэмитиэтин ыытарга былаанныыбыт, онно түмүктэр таһаарыллыахтара уонна бу пуоруму тэрийбит дьон бэлиэтэниэхтэрэ. Сыл бүтүүтэ түмүктэри хайаан да таһаарыахпыт уонна киэҥник иһитиннэрэр сириэстибэлэринэн тиэрдиэхпит», – диэн Куркутов түмүктээтэ.
Госдуума пленарнай мунньаҕар 2026-2028 сыллардааҕы федеральнай бүддьүөт бырайыагын иккис ааҕыыга ылынна. «Гражданнар иннилэригэр баар бары…
Саха сиригэр "Оҕо успуорда" федеральнай бырайыак чэрчитинэн тэриллибит патриотическай ис хоһоонноох успуорт туһунан киинэлэри көрдөрүү…
ИДьМ сулууспатын Ньурба оройуонун отделын үлэһиттэрэ биир дойдулааҕыттан инбэлиитинэн ылар биэнсийэтин сыл устата уорбут урут…
Cаха сиринээҕи ИДьМ холуобунай ирдэбилин управлениетын үлэһиттэрэ 2 түөкүнү туттулар. Бу дьон түөкүттэр бөлөхтөрүгэр киирэн,…
Ынаҕы саҥа иитэ ыллахха, кырдьаҕастар сүбэлэринэн алаадьылыыр буолаллар. Ону сэргэ, кыстыкка киириигэ, сайылыкка тахсыыга, хотоҥҥо…
Дьокускайга сэтинньи 22-23 күннэригэр "Модун" успуорт уораҕайыгар хапсаҕайга бырааттыы Ноговицыннар бириистэригэр XX үбүлүөйдээх өрөспүүбүлүкэтээҕи турнир…