Хаартыска: SakhaGov
Байыаннай дьайыы кыттыылаахтарыгар сир биэриэхтэрэ дуо диэн боппуруос үгүс киһини долгутар. Сир учаастагын түҥэтии туһунан Дьокуускай куорат баһылыга Евгений Григорьев ТГ ханаалга иһитиннэрии суруйда.
— Тус көрсүһүүлэргэ, ону сэргэ социальнай ситимнэргэ куорат олохтоохторо миигиттэн өрүү байыаннай дьайыы кыттыылаахтарыгар учаастак биэрэҕит дуо диэн ыйыталлар. Бу бэриллиэхтээх сирдэр ханна баалларын сураһаллар. Байыаннай дьайыы кыттыылаахтарыгар учаастактары Киллэм уонна Табаҕа бөһүөлэктэрин сирдэриттэн биэрэн саҕалыахпыт. Бүгүҥҥү күҥҥэ 1396 уһаайба сирэ бэлэмнэннэ.
Сири түҥэтии бастакы түһүмэҕэ олунньу 25-26 күннэригэр былааннанар. Онон, бу күннэргэ байыаннай дьайыы 100 кыттыылааҕа, ону сэргэ кинилэр дьиэ кэргэттэрэ учуокка туруорулуннулар. Сири түҥэтии сэрэбиэй быһыытынан (жеребьевка) барыаҕа. Буолар сирэ: Дьокуускай куорат, Октябрьскай уулусса 20/1-дээх дьиэтигэр, 3 этээс (303 кэб. «Сир сыһыаннаһыытын ааҕыныстыбатыгар». Сарсыарда 9.00 чаастан күнүс 12.00 чааска диэри.
Бу күн ыҥырыллыбыт дьон пааспардарын эбэтэр бэрэстэбиитэл аатыттан кэлээччилэр дэбиэринэс кумааҕылаах кэлэллэрэ ирдэнэр.
Маннык нүөмэргэ эрийэн билсиэххэ сөп: 40-80-46, — диэн сиһилии куорат баһылыга суруйда.
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…