Байыаннай дьайыы кыттыылаахтарыгар өйөбүл араас көрүҥэ оҥоһуллар

Саха сиригэр 38 байыаннай дьайыы инбэлиитэ уонна кини кэргэнэ  суоппары бэлэмнээһин бырагырааматыгар үөрэммит ороскуота төлөннө.

Бу туһунан бырабыыталыстыба бэрэссэдээтэлин солбуйааччы Георгий Степанов иһитиннэрдэ. Өрөспүүбүлүкэҕэ байыаннай сулууспалаахтарга аадырыстаах көмө салҕанар.

«228 байыаннай дьайыы кыттыылаахтарын дьиэлэрин гаастааһыҥҥа үбүнэн көмө ыллылар. 890 байыаннай дьайыы сулууспалааҕын төрөппүтэ санаторнай эмтээһин өҥөтүнэн туһаннылар. 651 киһи эмтэнэр сиригэр айанныырга үп-харчы көмөтүн ылла. Байыаннай дьайыы кыттыылаахтарыгар 3922 социальнай-медицинскэй реабилитация өҥөтө оҥоһулунна уонна кинилэр дьиэ кэргэттэрэ 627 байыаннай дьайыы кыттыылааҕа дьиэҕэ уонна стационарга социальнай өҥө араас  көрүҥүнэн туһанна», — диэн бэлиэтээтэ Георгий Степанов.

Өрөспүүбүлүкэ бырабыыталыстыбатын бэрэссэдээтэлин солбуйааччы иһитиннэрбитинэн, өйөбүл биир сүрүн хайысхатынан демобилизацияламмыт байыаннай сулууспалаахтары уонна кинилэр дьиэ кэргэттэрин үлэнэн хааччыйыы буолар. Дьарыктаах буолуу кииннэригэр үлэ булалларыгар көмө көрдөһөн 1249 киһи сайабылыанньа биэрбит, ол иһигэр 528 киһи – байыаннай дьайыы кыттыылааҕа уонна 721 киһи – кинилэр дьиэ кэргэннэрэ. Итинтэн 240 киһи идэни баһылыыр үөрэххэ, оттон 761 киһи тустаах үлэҕэ киирбит.

Сиһилии: https://www.sakha.gov.ru/news/26322 сигэнэн билсиҥ.