Мария Васильева хаартыската, СИА.
Байыаннай дьайыы кыттыылаахтарын наадатыгар саҥа тиэхиньикэ уочараттаах баартыйата ыытылынна. Бу туһунан нэһилиэнньэҕэ куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Айаал Вензель эттэ.
Саҥа баартыйаҕа хаар-бадараан устун сүүрэргэ анаан оҥоһуллубут «Якт-Сокол» вездеходтар, ону тэҥэ «Тимир Ат» электроматасыыкыллар уонна «Хотой» пилота суох көтөр аппарааттар киирдилэр.
«Ааспыт нэдиэлэҕэ Илиҥҥи байыаннай уокурукка уонна инники кирбиигэ сылдьар байыастарга тиэрдээриҥ диэн «Якт-Сокол» вездеходтары ыыппыппыт. Ил Дархан сорудаҕынан сабыс-саҥа пилота суох көтөр аппарааттары элбэхтик оҥорорго бэлэмнэнэбит», — диэтэ Айаал Вензель.
Кини өрөспүүбүлүкэ оҥорооччулара билигин хааччахтааһыҥҥа түбэспит киэҥник биллэр моделлары солбуйар кыахтаах дроннары оҥоруохха сөп диэн этэллэрин, тоһоҕолоото.
Ону кытта тэҥҥэ Саха сирин тэрилтэлэрэ байыаннай дьайыы кыттыылаахтарыгар гуманитарнай таһаҕаһы уонна тиэрдэр тырааныспары хомуйууну салгыыллар. Айаал Вензель эрэгийиэннээҕи тырааныспар хампаанньалара өрүс суола сабыллыан иннинэ таһаҕаһы барытын тиэрдэргэ бэлэмнэрин эттэ, диэн иһитиннэрэр Ил Дархан, бырабыыталыстыба пресс-сулууспата.
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…