Байыаннай дьайыы кыттыылаахтарыгар көмө тиһигин быспакка ыытыллар

Уус Алдан улууһун Дүпсүн нэһилиэгин «Сардаана» кийииттэр түмсүүлэрин салайааччыта Елизавета Алексеева көҕүлээһининэн, нэһилиэк кэрэ аҥаардара түмсэн, байыаннай дьайыыга кытта сылдьар биир дойдулаахтарыгар анаан, маскировочнай сетка, 100 кэмпилиэк повязка, 2 наһыылка оҥорон бүтэрэн, улуустааҕы анал ыстаапка аҕалан туттарыахтара.

Оттон муус устар 25 күнүгэр «Тойон Мүрү» култуура дыбарыаһыгар  байыаннай дьайыыга  сылдьар хорсун биир дойдулаахтарыгар  аналлаах көмө аахсыйаҕа буолла. Манна дьиэттэн-уоттан, үлэттэн быыс булан  улуус дьаһалтатын, социальнай, пенсионнай управлениялар, киин балыыһа, «Өркөн» оҕону эбии үөрэхтээһин, психологическай киин, олох-дьаһах хаһаайыстыбатын кэлэктииптэрэ, Бороҕон, Чараҥ, Мындааба бөһүөлэктэрин амарах ийэлэрэ, эбээлэрэ кытыннылар. Ону таһынан матырыйаал  ыларга үбүнэн Наталья Ивановна Сергучева, Ульяна Васильевна Чердонова көмөлөстүлэр.

«Амарах сүрэххит сылааһа уолаттарбытын араҥаччылаан, дойдуларыгар чэгиэн кэлэллэригэр күүс-көмө буоллун», — диэн Уус Алдан улууһун дьахтар сүбэтэ, «Россия ийэлэрэ» Уус Алданнааҕы салаатын салайааччылара иһитиннэрдилэр.

Улуус дьаһалтатын пресс-сулууспата.