Байыаннай дьайыы кыттыылаахтарыгар көмөлөһөр доброволецтар пуорумнара аһылынна

Нерюнгри оройуонугар байыаннай дьайыы кыттыылаахтарын уонна кинилэр дьиэ кэргэттэрин өйүүр доброволецтар «Бары бииргэ Кыайыыга!» өрөспүүбүлүкэтээҕи пуорумнара саҕаланна. Пуорум ахсынньы ый устата барыа уонна хас даҕаны нэһилиэги хабыа, ол иһигэр Ньурба куоратыгар, Майа сэлиэнньэтигэр ыытыллыа. Ол кэнниттэн ахсынньы 20 күнүгэр Дьокуускайга түмүктэниэҕэ диэн СӨ ыччат дьыалатын уонна социальнай алтыһыытын министиэрситибэтэ иһитиннэрэр.

Пуорум үөрүүлээх аһыллыытыгар СӨ ыччат дьыалатын уонна социальнай алтыһыытын миниистирэ Петр Шамаев волонтердар суолталарын тоһоҕолоото. Кинилэри «тыылы уонна инники кирбиини ситимниир утах» диэтэ. Миниистир волонтердар байыастар санааларын көтөҕөллөрүн, инникигэ эрэллэрин күүһүрдэллэрин бэлиэтээтэ.

Тэрээһин «Ыччат уонна оҕо» национальнай бырайыак чэрчитинэн «Эрэгийиэн ыччаттарга» ыччат бэлиитикэтин сайыннарар кэлим бырагыраама чэрчитинэн ыытыллар.