Хаартыска: sakha.gov.ru саайтан
Байыаннай дьайыы кэмигэр идэтийбит психологическай өйөбүл уонна психосоциальнай көмө оҥоруу салҕанар.
Нэдиэлэ устата өрөспүүбүлүкэ үрдүнэн уонна госпиталь хайысхатынан айаннаан тиийэн, 390 саҥа уонна хаттаан бэриллэр ыйытыылары көрбүттэр, 520 биирдиилээн уонна бөлөҕүнэн психологическай үлэ ыытыллыбыт. Бу туһунан ахсынньы 13 күнүнээҕи брифиҥҥэ Өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ.
Владимир Скрябин Дьокуускайга да, улуустарга да байыаннай дьайыы кыттыылаахтарыгар анаан консультациялар буолалларын санатта. Психологтардыын кэпсэтии барыта анонимнай уонна конфиденциальнай, туох да докумуон ирдэммэт, псевдонимынан да суруттарыахха сөп.
“Психологтары кытта консультацияласпыт байыастар бу олус туһалааҕын уонна наадалааҕын үгүстүк этэллэр. Маннык тэрээһиннэр байыаннай сулууспалаахтар ийэлэригэр, кэргэттэригэр, оҕолоругар уонна атын чугас аймахтарыгар анаан эмиэ ыытыллаллар. Бу өйүүр бөлөхтөр, биирдиилээн сүбэлэр, анал тэрээһиннэр. Психологтар хас биирдии киһи туругун чөлүгэр түһэрэргэ кыахтара баарынан үлэлииллэр», — диэтэ ӨПК дириэктэрэ.
Үлэ чааһыгар +7 (4412) 31-91-09 нүөмэргэ эрийэн суруйтардахтарына, көмөнү уонна өйөбүлү ылыахтара. Ону тэҥэ бу нүөмэргэ эрийэн, улуустарга баар филиаллар хантаактарын булуохтарын сөп. Филиаллар киин, илин эҥэр, Соҕуруу Саха сирин, хас да хотугу улуустарга бааллар. Өссө күнүстэри-түүннэри үлэлиир көмө төлөпүөнүгэр: 8-800-100-35-50 эбэтэр 122, онтон 6 уонна 2 эрийиэхтэрин сөп
Санкт-Петербургтааҕы судаарыстыбаннай университекка «Социальнай архитектура: социальнай уларыйыылар теориялара уонна быраактыкалара» норуоттар икки ардыларынааҕы научнай-практическай кэмпириэнсийэ…
Ахсынньы 10-12 күннэригэр Саха сиригэр “Мин төрөөбүт дойдум – Арассыыйа күүһэ” дойду үрдүнэн ыытылар III…
«Оливье» салаат, саарбаҕа суох, Саҥа дьыллааҕы остуолга саамай биллэр уонна тапталлаах бүлүүдэнэн буолар. Тас дойдуларга…
Саха сирин сүүмэрдэммит хамаандатын бастыҥ күрэсчитэ Павел Васильев (48 кг диэри) боксаҕа «Ньиэптээх дойдулар Аан…
Арассыыйаҕа Ийэ күнүнэн ахсынньы 6 күнүгэр Смарт бибилэтиэкэҕэ Дьокуускай элбэх оҕолоох ийэлэрин сэбиэтин пуорума буолла.…
Арассыыйаҕа 2026 сылтан 60-тан тахса саҥа суол бэлиэтэ үлэҕэ киллэриллиэҕэ. Бу туһунан юрист Елена Браун…