Хаартыска: https://www.sakha.gov.ru-тан
Саха сиригэр байыаннай дьайыы кыттыылаахтарыгар уонна кинилэр дьиэ кэргэттэригэр психологическай көмө тиһигэ тохтообокко ыытыллар. Ааспыт нэдиэлэҕэ 830 биирдиилээн дьоҥҥо уонна бөлөҕүнэн үлэ ыытыллыбыт.
Бу туһунан бүгүн Саха сиринээҕи психологическай киинин дириэктэрэ Владимир Скрябин иһитиннэрдэ. Кини бэлиэтээн эппитинэн, тустаах үлэ үксүн Доннааҕы Ростов куоракка баар госпиталга сытар байыаннайдарга уонна Дьокуускайга ыытыллыбыт. Дьиэ кэргэни кытта үлэҕэ ордук биирдиилээн кэпсэтии ордук эбит, дьиэ кэргэн терапията, долгуйууну устуу диэннэри ааһаллар. Байыаннай дьайыыттан сылдьан кэлбиттэртэн чөл олоҕу тутуһааччылар уонна психолог өҥөтүн туһаммыттар, ол эбэтэр тустаах исписэлиистэр эрэкэмэндээссийэлэрин толору ылыммыттар бары өттүнэн сөптөөх улахан көдьүүһү ылаллар.
Санатар буоллахха, байыаннай дьайыыттан кэлбиттэри СӨ Ыччат дьыалаларыгар уонна социальнай коммуникацияларга министиэристибэтин иһинэн Өрөспүүбүлүкэтээҕи психологическай кииҥҥэ (аадырыстара: Курашов уулусса 36), ону тэҥэ, «Аҕа дойдуну көмүскээччилэр» судаарыстыбаннай пуондатын филиалыгар (аадырыстара: Ойуунускай уул. 41/1) уонна улуустарга баар тустаах филиалларга күүтэллэр.
Санатар буоллахха, тустаах сүбэ-ама биэрии босхо ыытыллар. Тустаах сүбэ-ама атын туоһута суох (анонимно) эмиэ ыытыллыан сөп. Оннук кэпсэтии төлөпүөнүн нүөмэрэ: 8-800-100-35-50. Ону тэҥэ, интэриэһиргиир ыйытыыларгытын 31-91-09 диэн нүөмэргэ эрийэн биэриэххитин сөп.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…