Хаартыска: sakha.gov.ru
«Саха сиригэр байыаннай дьайыы кыттыылаахтарыгар уонна кинилэр дьиэ кэргэттэригэр психологическай өттүнэн чөлүгэр түһэриигэ аналитическай үлэ барыахтаах», – диир Өрөспүүбүлүкэтээҕи психологическай киин дириэктэрэ Владимир Скрябин. Бу туһунан кини муус устар 18 күнүгэр брифиҥҥэ иһитиннэрдэ.
«Билигин анал байыаннай дьайыы кыттыылаахтарыгар уонна кинилэр дьиэ кэргэттэригэр психология өттүнэн чөлүгэр түһэриигэ уонна бу дьайыылар сабыдыалларын сүрүн төрүөттэрин арыйыыга фундаментальнай аналитическай үлэни ыытыахтаахпыт. Ити чуолкайдык үлэлииргэ көмөлөһүөҕэ, холобур, ордук көдьүүстээх хайысхалары сайыннарарга, социальнай сылыктары оҥорорго. «Росмолодежь» федеральнай ааҕыныстыба «Россия для молодых» бырайыагынан федеральнай субсидия көмөтүнэн биһиэхэ быйыл маннык аналитикаҕа наадалаах тиэхиньиичэскэй хааччыйыыны тупсарыахтаахпыт», — диэн Владимир Скрябин бэлиэтээтэ.
Ортотунан нэдиэлэҕэ Саха сирин психологтара 500-чэкэ иһитиннэрии киирбитинэн үлэлииллэр, 525 тахса биирдиилээн уонна бөлөҕүнэн психологическай үлэлэри ыыталлар.
Билсэр төл.: 8 (4112) 31-91-09. Байыаннай сулууспалаахтарга уонна кинилэр дьонноругар үлэ барыта босхо. Эрэл төлөпүөнэ: 8-800-100-35-50 эбэтэр 122, салгыы 6 уонна 2.
Санатан эттэххэ, анал байыаннай дьайыы кыттыылаахтарыгар уонна кинилэр дьонноругар анал психологическай өйөбүл Ил Дархан Айсен Николаев сорудаҕынан Саха сирин бырабыыталыстыбатын бэрэссэдээтэлин солбуйааччы Ольга Балабкина тус салайыытынан оҥоһуллар. Ыытыллар үлэлэр киһи психологическай доруобуйатын чөлүгэр түһэриигэ уонна бөҕөргөтүүгэ туһуланаллар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…