Байыаннай дьайыы кыттыылаахтарыгар «сухой душ» оҥоруохтара

СӨ Судаарыстыбаннай тутуу уонна олорор дьиэ хонтуруолун управлениета уонна «Биир ньыгыл Арассыыйа» баартыйа «Эдэр гвардия» Саха сиринээҕи ыстааба кыттыһан «сухой дууһу» оҥорон саҕалаатылар.

«Байыаннай дьайыыга инники кирбиигэ сылдьар байыастар үгүстүк суунар-тараанар уонна бэйэлэрин көрүнэр кыахтара суох. Оттон ытыс иһигэр хомуллар «сухой душ» ыксаллаах быһыы-майгы балаһыанньатыгар табыгастаах усулуобуйаны тэрийэргэ көмөлөһүөҕэ», – диэн СӨ Судаарыстыбаннай тутуу уонна олорор дьиэ хонтуруолун управлениетын салайар Павел Аргунов кэпсиир.

СӨ Судаарыстыбаннай тутуу уонна олорор дьиэ хонтуруолун управлениета хомуйбут үптэринэн аармыйаҕа туһаныллар «сухой дууһу» оҥорорго матырыйаал хомуллан «Эдэр гвардия» Саха сиринээҕи ыстаабыгар тиэрдилиннэ.

Гигиеническай нобуорга сууйуллары ирдээбэт «сухой душ» гелэ иҥэриллибит дорниттан губка, биирдэ туттуллар соттор, баата палочкалар, хайдах туһанар туһунан ыйынньык зип-бакыакка угуллар. «Сухой дууһу» туттарга байыаска кырата уу наада (30-50 мл.) уонна күүгэн тахсыар диэри губканы хаста да хам тутуохха эрэ наада.

М.К. Аммосов аатынан Хотугулуу-илиҥҥи федеральнай университет устудьуоннарын кытары 5000 «сухой дууһу» оҥороннор байыаннай дьайыыга ыытыахтара диэн СӨ Судаарыстыбаннай тутуу уонна олорор дьиэ хонтуруолун управлениетын пресс-сулууспата иһитиннэрэр.