Байыаннай дьайыы кыттыылаахтарыгар тырааныспар нолуогун чэпчэтиитэ уһатылынна

Саха сирин парламенын пленарнай мунньаҕар  «О внесении изменений в Закон РС(Я)» «О налоговой политике РС(Я)» диэн  сокуон барылын ылыннылар.

Бу сокуон барылынан тырааныспарка нолуок чэпчэтиитэ хантараагынан уонна суһал ыҥырыынан байыаннай дьайыыга барбыт дьоҥҥо, ону сэргэ байыаннай дьайыыгы сылдьар уонна ыҥырыллыбыт полиция үлэһиттэригэр туһуланар. Бу чэпчэтии 2024 сыллааҕы кэмҥэ ааҕыллар.

Сокуон туһунан Ил Дархан быһаарыныытын норуот дьокутааттарыгар СӨ Экэниэмикэтин миниистирэ Петр Попов билиһиннэрдэ. Хос дакылааттаах  Ил Түмэн сүбэ мунньаҕын бэрэссэдээтэлин солбуйааччыта, бүддьүөт, үп-харчы, нолуок уонна сыана бэлиитикэтин боппуруостарыгар сис кэмитиэтин  бэрэссэдээтэлэ  Юрий Николаев  таҕыста.

Буоста сибээһин ситимин оннунан хаалларыы  суолтатын болҕомтоҕо ылан, тыа сиригэр буоста сибээһин тэрилтэлэригэр сокуон барыла биэс сылга тэрилтэ баайын-дуолун уонна тырааныспар нолуогар чэпчэтии олохтоммута.