Байыаннай дьайыы кыттыылаахтарыгар уонна кинилэр дьиэ кэргэннэригэр доруобуйаларын, уйулҕаларын бөҕөргөтөллөр

Ю.П. Степанов аатынан инбэлииттэри  реабилитациялыыр   өрөспүүбүлүкэтээҕи социальнай-доруобуйа харыстабылын киинэ байыаннай сулууспалаахтары өйүүр, көмө оҥорор. 

Социальнай-доруобуйа киинигэр  анал байыаннай дьайыы 324 кыттааччыта уонна 274 байыаннай дьиэ кэргэн чилиэннэрэ реабилитацияны аастылар.

Тэрилтэ дириэктэрэ Асида Алексеева брифиҥҥэ бэлиэтээбитинэн, реабилитацияны барар дьоҥҥо уйулҕаларын бөҕөргөтөргө, доруобуйаларын туругун тупсарыыга туһаайыллыбыт араас өрүттээх үлэ ыытыллар. Ол инниттэн тэрилтэ киин куоракка «Самородок» бассейны кытта бииргэ үлэлэһэн, гидрокинезитерапияны ыытар. Маны таһынан, киин байыаннай дьайыы кыттыылаахтарыгар  уонна кинилэр дьиэ кэргэттэригэр анаан иһитиннэрэр уонна сүбэлиир дьаһаллары салгыы ыытар.  Бу үлэ чэрчитинэн кэккэ управлениены, тэрилтэни кытта уопсайа 56 көрсүһүү буолла.

Дьон бу маннык тэрээһиннэри кэрэхсиир буолан, реабилитациялыыр киин тэрилтэлэри кытта бииргэ үлэлээһини былааннаахтык ыытар.