Хаартыска: СИА
СӨ байыаннай дьайыы кыттыылаахтарыгар уонна кинилэр дьиэ кэргэттэригэр эбии көмө, өйөбүл миэрэтэ баар буолуоҕа. Бу туһунан СӨ бырабыыталыстыбатын пресс-сулууспата иһитиннэрэр.
Өрөспүүбүлүкэ Аҕа баһылыгын сорудаҕынан байыаннай дьайыы кыттыылаахтарын уонна кинилэр дьиэ кэргэттэрин өйүүр үлэни салгыы кэҥэтии туһунан кэпсэтистилэр. Ол эбэтэр байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ өрөспүүбүлүкэ биир кэлим координационнай киинин бэрэссэдээтэлэ Андрей Федотов Дьокуускайга байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ үлэлэһиини тэрийии наадатын бэлиэтээтэ.
Тэрээһиҥҥэ Саха сирин норуодунай дьокутааттара, оройуон баһылыктара, министиэристибэлэр уонна биэдэмистибэлэр салайааччылара, суһал ыстаап чилиэннэрэ кыттыыны ыллылар. Ол курдук байыаннай дьайыы кыттыылааҕар уонна кини дьиэ кэргэттэригэр биир кэмнээх үбүнэн көмө, оскуолаларга босхо аһылык, оҕолор доруобуйаларын чэбдигирдэр лааҕырдарга босхо путевка, ону таһынан баай-дуол, сир нолуогун төлөөһүнтэн босхолооһун көрүллүбүтэ бэлиэтэннэ. Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков бэлиэтииринэн, икки сыл устатыгар байыаннай дьайыыга 1.8 млрд.солк. ыытыллыбыт. Маны сэргэ байыаннай сулууспалаахтарга 880 мөл. солк. гуманитарнай көмө, эбии сэп-сэбиргэл, тырааныспар ыытыллыбыт.
Бэлиэтээн суруйдахха, Москваҕа баар өрөспүүбүлүкэ биир кэлим координационнай киинэ Ил Дархан Айсен Николаев дьаһалынан тэриллибитэ. Бу киин байыаннай сулууспалаахтарга уонна кинилэр дьиэ кэргэттэригэр туһааннаах боппуруостары быһаарарга көмөлөһөр.
Бүгүн Өлүөнэ эбэ күнүн чэрчитинэн уонна «Вода России» бүтүн Арассыыйатааҕы аахсыйанан киэҥ хабааннаах экологическай субуотунньук…
Далааһыннаах күрэхтэһии сэттис күнэ түмүктэннэ. Кыайыылаахтары наҕараадалааһын үөрүүлээх быһыыга-майгыга буолла. Дьокуускайга Комсомол болуоссатыгар бүгүн тустууга…
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…