Хаартыска: ЯСИА
Саха сиригэр байыаннай дьайыы кыттыылаахтара үлэҕэ ылыллар кубуоталарын 5 тыһыынчаҕа тиийэ улаатыннарыахтара диэтэ Дьарыктаах буолуу судаарыстыбаннай кэмитиэтин бэрэссэдээтэлин солбуйааччы Георгий Борисов.
«Үлэ миэстэтин кубуоталааһын туһунан сокуоҥҥа киллэриллибит уларытыылар кэлэр сыл кулун тутарыттан саҕалаан олоххо киириэхтэрэ. Сокуон быһыытынан үлэ биэрээччилэр байыаннай дьайыы кыттыылаахтарыгар — бойобуой дьайыылар бэтэрээннэригэр туспа үлэ миэстэтин көрүөхтэрэ. Ол өрөспүүбүлүкэ үрдүнэн 5000-тан тахса үлэ миэстэтигэр тэҥнэһиэҕэ», — диэн бэлиэтээтэ Георгий Борисов.
Билигин өрөспүүбүлүкэҕэ байыаннай дьайыы кыттыылаахтарын уонна кинилэр дьиэ кэргэттэрин үлэнэн хааччыйар кубуота 914 үлэ миэстэтигэр олохтоммута. Былаан толору туолан турар.
Өрөспүүбүлүкэ дьарыктаах буолуу сулууспата байыаннай дьайыы кыттыылаахтарын уонна кинилэр дьиэ кэргэттэрин үлэнэн хааччыйыыны бастакы күөҥҥэ тутар. Сыл саҕаланыаҕыттан дьарыктаах буолуу кииннэрэ 109 байыаннай дьайыы кыттыылааҕын уонна кинилэр дьиэ кэргэттэриттэн 187 киһини үлэҕэ киллэрдилэр. 24 киһи бэйэтин дьыалатын тэринэргэ өйөбүлү ылла. 77 киһи ирдэнэр идэлэргэ бэлэмниир куурустары ааспыт.
Георгий Борисов этэринэн, байыаннай дьайыы кыттыылаахтарын үлэҕэ ылар үлэ биэрээччилэргэ өйөбүл миэрэлэрэ салҕаналлар.
Кубуоталаах үлэ миэстэтигэр инбэлииккэ тахсыбыт байыаннай дьайыы кыттыылааҕын үлэҕэ ылбыт үлэ биэрээччигэ ороскуоттарын толуналларыгар субсидия көрүллэр. Бүгүҥҥү күҥҥэ сэттэ үлэ биэрээччи 21 киһи хамнаһын ороскуотун толуйарыгар субсидия ылла.
Өссө ханнык көмө, өйөбүл баарын билэргэ нэһилиэнньэ дьарыктаах буолар кииннэриттэн ыйыталаһыҥ, диэн иһитиннэрэр Ил Дархан, бырабыыталыстыба пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…