Хаартыска СӨ Бырабыыталыстыбатын пресс-сулууспатыттан
Саха сиригэр байыаннай дьайыы кыттыылаахтарын уонна кинилэр дьиэ кэргэттэрин социальнай өттүнэн өйүүр кэккэ дьаһаллар бааллар, ол иһигэр Арассыыйа иһигэр санаторийга-курорка эмтэнии киирэр диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Байыаннай дьайыы кыттыылааҕа уонна кини дьиэ кэргэнэ өрөспүүбүлүкэ иһигэр олорор буоллаҕына, үс сылга биирдэ маннык сынньанар кыахтаах. Бу туһунан үлэ уонна социальнай сайдыы миниистирэ Елена Волкова иһитиннэрдэ.
«Байыаннай сулууспалаахтар төрөппүттэригэр (эпэкииннэригэр) санаторнай-курортнай эмтэниигэ путевка сыанатын быһыытынан төлөнөр, ол гынан баран 60 тыһ. солк. тахсыа суохтаах», – диэн эттэ Елена Волкова.
Бүгүҥҥү туругунан санаторнай-курортнай эмтэниинэн 358 анал байыаннай дьайыы кыттыылааҕын төрөппүтэ туһанна. Балартан аҥардара Саха сирин иһигэр эмтэниини аастылар. Үгүс киһи «Чэбдик», «Абырал» профилакторийдарга эмтэннэ. Оттон өрөспүүбүлүкэ тас өттүгэр Москваҕа «Бэс Чагда» санаторийга ордордулар. Итини таһынан Краснодарскай, Ставропольскай уонна Алтайскай кыраайдарга, Новосибирскай уобаласка сынньанан-эмтэнэн кэллилэр.
Анал байыаннай дьайыы кыттыылааҕын төрөппүтэ эмтэнэ барарыгар путевкатын толуйууга докумуонун Элбэх өҥөнү оҥорор кииҥҥэ туттарыан эбэтэр Госуслуга порталыгар e-yakutia.ru сайабылыанньа суруйан ыытыан сөп.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…