Хаартыска: СИА
Саха сиригэр саҥа үөрэх сылыгар байыаннай дьайыы кыттыылаахтарын 400 оҕолоро бастакы кылааска үөрэнэ киирдилэр.
Бу туһунан Үөрэх уонна билим миниистирин бастакы солбуйааччы Алевтина Аргунова иһитиннэрдэ. «Быйыл барыта 15 268 бастакы кылаас үөрэнээччилээхпит, олортон 398-һа байыаннай дьайыы кыттыылаахтарын оҕолоро. Кинилэр бары олорор сирдэринэн чугас оскуоланан хааччылыннылар уонна саҥа үөрэх дьылын саҕалаатылар«, — диэн Алевтина Аргунова бэлиэтээтэ.
Миниистири солбуйааччы иһитиннэриитинэн, бу сыл балаҕан ыйын 1 күнүттэн байыаннай дьайыы кыттыылаахтарын 5-11 кылаас 1954 оҕолоро итии аһылыгынан хааччыллаллар. Ону кытта начаалынай кылаас үөрэнээччилэрэ бары итии аһылыгынан хааччылыннылар.
Эбии үөрэхтээһин тэрилтэлэригэр оҕолор интэриэстэрин уонна талааннарын сайыннарарга хаачыстыбалаах айар үлэнэн дьарыктанар саҥа кыахтар үөскээбиттэрэ. Саҥа миэстэлэр эбии үөрэхтээһин сүрүн хайысхаларынан барытын хабар. «Эбии үөрэхтээһин дьарыктарын хайысхатын арааһа оҕо бэйэтэ сөптөөх дьарыгы буоларыгар көмөлүүр. Балаҕан ыйын саҥатыттан байыаннай дьайыы кыттыылаахтарын 788 оҕолоро эбии үөрэхтээһиҥҥэ дьарыктаналлар», — диэн түмүктээтэ үөрэх министрин бастакы солбуйааччы.
Ил Дархан Айсен Николаев Ыйааҕынан, Саха сирин үөрэҕин тиһигэр байыаннай дьайыы кыттыылаахтарыгар уонна кинилэр оҕолоругар 11 социальнай өйөбүл оҥоһуллар.
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…