Андрей Сорокин (СИА) хаартыската
Бүгүн, олунньу 8 күнүгэр, СӨ үөрэҕин уонна наукатын миниистирин бастакы солбуйааччы Алевтина Аргунова ол туһунан брифиҥҥэ эттэ.
Санатар буоллахха, Ил Дархан Айсен Николаев «Байыаннай сулууспалаахтар дьиэ кэргэннэрин өйүүр туһунан» ыйааҕыгар олоҕуран, СӨ Үөрэҕин уонна наукатын министиэристибэтэ байыаннай дьайыылар кыттыылаахтарын оҕолорун өйүүр биэс миэрэни ылбыта.
«Бүгүҥҥү туругунан, оскуолаҕа киириэн иннинээҕи саастаах оҕо тэрилтэтигэр оҕону көрүү иһин төрөппүттэртэн хомуллар төлөбүрдэртэн 1086 оҕо босхолонорун туһунан быһаарыы ылылынна. Уопсай орто үөрэхтээһин 5-11 кылаастарын 1 170 үөрэнээччитэ, төрөппүтэ эбэтэр сокуоннай бэрэстэбиитэлэ байыаннай дьайыыларга кыттар кэмигэр, босхо аһылыгынан хааччылынна. Онтон 1251 оҕоҕо чэбдигирдэр лааҕырга ыытарга путевка бэриллэрэ быһаарылынна», – диэн Алевтина Аргунова эттэ.
Онтон орто анал уонна үрдүк үөрэх тэрилтэлэрин систиэмэтигэр өйөбүл икки дьаһала үлэлиир. Бүгүҥҥү күҥҥэ министиэристибэ дааннайынан, байыаннай дьайыылар кыттыылаахтарын дьиэ кэргэннэрин тус сыаллаах үөрэтии дуогабарын 122 быһаарыныы ылылынна.
Итини таһынан, төрөппүтэ эбэтэр сокуоннай бэрэстэбиитэлэ байыаннай дьайыыларга кыттар кэмигэр, орто анал уонна үрдүк үөрэх тэрилтэлэрин 311 үөрэнээччитэ үрдүк истипиэндийэни ылара быһаарылынна.
Байыаннай дьайыылар кыттыылаахтарын дьиэ кэргэннэрин чилиэннэрэ, маннык өйөбүл миэрэлэринэн туһаныахтарын баҕардахтарына, Элбэх функциялаах кииҥҥэ (МФЦ) эбэтэр e-yakutia.ru порталга сайабылыанньа ыытыаххытын сөп.
СӨ Ил Дарханын уонна Бырабыыталыстыбатын пресс-сулууспата
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…