Байыаннай дьайыы кыттыылаахтарын 717 төрөппүтэ санаторийга-куруорка эмтэннэ

Бүгүҥҥү туругунан өрөспүүбүлүкэҕэ анал байыаннай дьайыы кыттыылаахтарын 717 төрөппүтэ санаторийга-куруорка эмтэниигэ көмөнү ылла. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
«Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар. Бүгүн 185 дьиэ кэргэҥҥэ олорор дьиэни гаастааһыҥҥа көмө оҥоһулунна, 541 киһиэхэ байыаннай сулууспалаах эмтэнэр сиригэр барарга көмөнү ылла», – диэн Георгий Степанов бэлиэтээтэ.
1317 анал байыаннай дьайыы кыттыылааҕа уонна 2479 кинилэр дьиэ кэргэннэрин чилиэннэрэ доруобуйа харыстабылын тэрилтэлэригэр чөлүгэр түһэриини аастылар, 449 киһи дьиэҕэ уонна дьиэттэн эмтэнии быһыытынан социальнай өҥөнү ылла.
Нэһилиэнньэ дьарыктаах буолуутун кииннэригэр үлэҕэ киирэргэ 908 киһи көмө көрдөөн сырытта, ол иһигэр 325 анал байыаннай дьайыы кыттыылааҕа уонна кинилэр дьиэ кэргэттэрин 583 чилиэнэ. Олортон 165 киһи анал идэни ылар үөрэххэ ыытыллыбыт, 556 киһи үлэҕэ киирбит.
Сообщить об опечатке
Текст, который будет отправлен нашим редакторам: