Хаартыска: sakha.gov.ru
Ааспыт нэдиэлэҕэ 350-тан тахса көрдөһүү, ыйытыы киирбит.
Саха сиригэр байыаннай сулууспалаахтар уруу-аймах дьонноро сүбэҕэ-көмөҕө наадыйыылара улаатан иһэр диэн психологтар бэлиэтииллэр. Бу туһунан Өрөспүүбүлүкэтээҕи психологическай киин дириэктэрэ Владимир Скрябин брифинг кэмигэр эттэ.
«Ааспыт нэдиэлэ устата кэрийэ сылдьан уонна госпиталларынан 350-тан тахса саҥа уонна хаттаан киирбит көрдөһүүлэри, ыйытыылары көрдүбүт. 450-ча биирдиилээн уонна бөлөҕүнэн психологическай консультациялары ыыттыбыт, манна хаттаан көрдөрөөччүлэр эмиэ киирэллэр”, — диэтэ Скрябин.
Дириэктэр байыаннай сулууспалаахтар аймахтарын көрдөһүүтэ элбээбитин бэлиэтээтэ.
“Дьон өр кэмҥэ туох да биллибэтиттэн, дьиксинииттэн өйөбүлү уонна көмөнү көрдөһөн исписэлиистэргэ эрийэллэрэ үчүгэй көстүү. Ону тэҥэ атын посттравматическай туруктар уонна кэмигэр оҥоһуллубатах психологическай травмалар күөдьүйэн туруохтарын сөбүн санатабын. Бу психика айылҕаттан бэриллибит хаачыстыбата. Онон байыастары уонна кинилэр дьиэ кэргэттэрин чилиэннэрин кытта үлэ бииргэ холбуу барыахтаах,” — диэн Владимир Скрябин тоһоҕолоон бэлиэтээтэ.
Көрдөһүүнү, ыйытыыны ааттарын эппэккэ эрэ биэрэллэр. Туох да докумуон ирдэммэт. Атын аатынан регистрацияланыахха сөп. Байыаннай дьайыы кыттыылаахтарыгар уонна кинилэр дьиэ кэргэттэригэр, итиэннэ атын биэдэмистибэннэй хайысхаларга психологтар өҥөлөрө босхо.
«Ону тэҥэ буолаары турар эксээмэннэртэн сылтаан оскуола оҕолоругар дьиксинии таһыма үрдээбит. Филиалларга бэйэни салайыныы үөрүйэхтэригэр, ис өйөбүлү буларга, дьиксиниини утары үлэлэһиигэ, ол иһигэр төрөппүттэр эксээмэнтэн сылтаан дьиксиниилэригэр, анал көмөнү ылыахха сөп», — диэн бэлиэтээтэ Өрөспүүбүлүкэтээҕи психологическай киин дириэктэрэ.
31-91-09 нүөмэргэ эрийэн, суруйтаран, көмөнү уонна өйөбүлү ылыаххытын сөп. Күнүстэри-түүннэри үлэлиир төлөпүөн нүөмэрэ: 8 800 100-35-50.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…