Байыаннай дьайыы кыттыылаахтарын чугас дьонноругар оҕуруот аһын түҥэтиллэр

Бу күннэргэ Нам улууһугар Ленскэй нэһилиэк олохтоох дьаһалтата байыаннай дьайыы кыттыылаахтарын чугас дьонноругар оҕуруот аһын түҥэттэ. Бу туһунан Ленскэй  дьаһалтата  иһитиннэрдэ.

Олохтоох дьаһалта үлэһиттэрэ, МАУ АРТ, МАУ ЦС “Лидер”, Намнааҕы Олоҥхо дьиэтэ Хамаҕаттаҕа кэтэх хаһаайыстыбалаах Александр Жирков бааһынатыгар субуотунньукка кыттыспыттар.

“Хамаҕаттаҕа хаппыыста хомууругар үлэлээммит сэлиэнньэттэн байыаннай дьайыыга кыттыыны ылар байыастарбыт чугас дьоннорун күһүҥҥү оҕуруот аһынан хааччыйдыбыт. Александр Степановичка махталбыт муҥура суох. Кэтэх хаһаайыстыбалаах Александр Жирков бу сылга эрэ буолбакка, былырыын эмиэ бэйэтин көмөтүн биллэрбитин бэлиэтиибин”, – диэн этэр баһылык Петр Сокольников.